MeraForum Community.No 1 Pakistani Forum Community

Duniya Se Muje Piyar Tha, Sab Bhoolna Chahta Hoon,
Ik Shakhs Mera Yaar Tha, Sab Bhoolna Chahta Hoon

Wo Hijar ki Raaton Ke Sulagtay Huay Lamhay,
Ankhon Pe Koi Baar Tha Sab Bhoolna Chahta Hoon

Haan Meri Khataa Thee Ke Tujhe Toot K Chaaha,
Haan Main He Gunahgaar The Sab Bhoolna Chahta Hoon

Yeh Kis Ne Mujhe Dhoop Ka Ik Roop Diya Hai,
Main Saaya-a-Deewar Tha Sab Bhoolna Chahta Hoon

Ab Gham Mujhe Deemak Ki Tarhaa Chaat Rahay Hain,
Main Khushiyon Se Sarshaar Tha Sab Bhoolna Chahta Hoon

Bakhshi Hai Muje Piyar K Badlay Mein Judaee
Jo Bhi Tera Kirdaar Tha Sab Bhoolna Chahta Hoon

Aankhein Shab-a-Furqat Mein Raha Karti Theen Pur Nam
Main Teraa Talab Gaar Tha Sab Bhoolna Chahta Hoon

Bas Itna Mujhe Yaad Hai Ik Wasal Ki Shab Thee
Iqraar Ke Inkar Tha Sab Bhoolna Chahta Hoon

Sach Maan K Ab Yaad Mujhe Kuch Bhi Nahi Hai
Tu Kis Ka Tarafdaar Tha Sab Bhoolna Chahta Hoon

Ik Shakhs Ne Paagal Sa Banaa Rakhaa Hai sharaz
Main Kitna Samajhdaar Tha Sab Bhoolna Chahta Hoon....