Zindagi meri yunhi bemaane jati,
tune gar pyaar se ise sanwaara nahi hota.

Ki hai mohabbat hamne,tujhse iss kadar,
Tu na mile ye hamko ab gawara nahi hota.

Na dekha hota yun pyar se tumne kabhi,
to yeh dil hamara, kabhi tumhara nahi hota.

Yeh ishq kya bala hai,bata de aye khuda,
Kyun dil sabke liye eksa hamara nahi hota.

Jhukti-Uthti Nazarein keh deti hai haal-e-dil,
Yeh jazba hothon se bayan nahi hota...

Sab kuchh chhod diya tujhpe aye khuda,
tere bagair ab koi sahara nahi hota.

Karke ishq mol le liya dard-e-be reham
kaisa hai yeh dariya,jiska koi kinara nahi hota

Kho jata gham ke daaman mein mai gar,
mila nahi mujhko teri yado ka sahara hota

Faasle hain itne darmayan hamare,par
dil ek pal ko bhi tujhse juda nahi hota.