Khushboo ki tarha meri har saaNs maiN
pyar apna basaane ka waada karo
rang jitne tumhari mohabbat kay haiN
meray dil maiN sajane ka waada karo

hai tumhari wafaoN pay mujko yakeen
phir bhi dil chahta hai mere dil nasheen
yoonhi meri tasalli ki khatir zara
mujko apna banane ka waada karo

jab mohabbat ka iqraar karte ho tum
dhadkanoon maiN naya rang bharte ho tum
bahut kar chukay ho, magar aj phir
mujhko apna banane ka waada karo

sirf lafzoN say iqrar hota nahi
ek janib say hi pyar hota nahi
main tumhaiN yaad rakhne ki khaoN qasam
tum mujhko na bhulane ka waada karo