Aaj kahoon meri jaana tumse kitni mohabbat hai,
Huii har pal me mehsoos mujhko tumhaari zaroorat hai

Kabhi mujhse sharmaana, fir khud hi kareeb aa jaana
Dil ko mere rijhaati yeh nazaakat, yeh sharaarat hai

Jab rootho tum mujhse, aur main aakar ke manaaoon
Lagne lagti apni zindagi us pal badhi khoobsuurat hai

Kaii baaten ek duje ki samjhen hum kahe bagair,
aur kucch baaten samajhne ko waqti ki zaroorat hai

Kheencha taani to hoti hain aksar sab logon ke beech
aur samjhen ek dooje ko, ke pakki humaari chaahat hai