MeraForum Community.No 1 Pakistani Forum Community - Gam Kii Baarish Ney Bhi Tere Naqsh Ko Dhoyaa Nahii

Gam kii baarish ne bhii tere naqsh ko dhoyaa nahiin
tune mujh ko kho diyaa main ne tujhe khoyaa nahiin

niind kaa halkaa gulaabii-saa Khumaar aaNkhon me.n thaa
yuN lagaa jaise vo shab ko der tak soyaa nahiin

har taraf diivaar-o-dar aur un me.n aaNkhon kaa hujuum
kah sake jo dil kii haalat vo lab-e-goyaa nahiin

jurm aadam ne kiyaa aur nasl-e-aadam ko sazaa
kaaTataa huN zindagii bhar main ne jo boyaa nahin

jaanataa huN ek aise shaKhs ko mai.n bhii 'Munir'
Gam se patthar ho gayaa lekin kabhii royaa nahin