Tera Main Zikr Karon Yoon, Sawaab Ho Jaisay*
 

Kamaal-e-husn Kee Rangeen Kitaab Ho Jaisay
Dasht-e-wehshat Main Sadaa-e-rabaab Ho Jaisay

Main Bai-khabar T'haa To Qadray Sokoon Moyassar T'haa
Ye Aagahee Bhee To Yaaro Azaab Ho Jaisay

Yaqeen Karay Bhee To Kiss Kaa Karay Yaqeen Koyee
Har Aik Sar Pay Wafaa Kaa Khizaab Ho Jaisay

Kissay Baatin Kee Khabar Hai, Wazaa Qataa Say Magar
Wafaa Nagar Kaa Sadaa Say Nawaab Ho Jasiay

Too Hee Maslak, Meraa Mazhab, Meraa Fiq'haa, Meraa Dee'n
Teraa Main Zikr Karoo'n Yoon, Sawaab Ho Jaisay

Main Koyee Baat Karoo'n, Tom Pay Khatm Hotee Hai
Har Ek Sawaal Kaa Tom Hee Jawaab Ho Jaisay

Khodaa Mo'aaf Karay, Pich'hlay Dino'n Kaabay Kee
Choomi Chaadar, Teray Rokh Kaa Naqaab Ho Jaisay

Tojhay Sochoo'n To Kissi Aur Shay Kaa Hosh Na Ho
Teraa Khayaal Poraani Sharaab Ho Jaisay

Rokh-e-zebaa, Lab-e-jaanaa'n, Qaamat-e-seemee'n Badan
Maktab-e-ishq Kaa Saadaa Nisaab Ho Jaisay

Ab Ke Khoon Chaahiyay Ya Jaan Kee Zaroorat Hai
Aap Aayay Koyee Matlab Janaab Ho Jaisay

Apnay Andar To Koyee Hoslaa Naheen Paata
Aap Root'hay To Jodaayee Kee Taab Ho Jaisay

Wo Talabgaar-e-wazaahat Howaa To Saadiq Chop
Meraa Yaqeen Kar, Yaum-e-Hisaab Ho Jaisay !!!!

simply Out standing ruby janizz

V.Nyc

good

thnx mahum..

thnx Shayan..

thnx aryan..

very nice

thnx A L i..

nyc