Gham ke maaroN ki andheron men basar hoti hai
Sham.e gham ki bhi kahin koii sahar hoti hai

Usko bhi gham ki tarah dil men hi dafnate haiN
Kuch shikayat hameN apnoN se agar hoti hai

Dil bujha rahta hai muflis ke charaGoN ki tarah
Ab isee tarha harik sham basar hoti hai

Jis meN kanTe bhi bicheN moR bhi har gaam pe aayeN
Hum malaNgoN ki wohee raahguzar hoti hai

ashk ho jate haiN tareek shaboN meN raushan
Inhee ashkoN ke sahare tou basar hoti hai

Ik musafir bhi agar saye se mehroom rahe
Ai shajar! ismeN bhi tauheen-e shajar hoti hai

Kis ne kub kaise guzaree haiN shabeN ro ro kar
iski kahaN unko Khabar hoti hai