MeraForum Community.No 1 Pakistani Forum Community - *** Bhala Zour Kis Ka Hawayoun Par ***

Meray Humnawa Teri Berukhi Dil-e-Mubtila Ki Shikast Hay
Isey Kis Tarah Main Kahon Fateh Yeh Meri Ana Ki Shikast Hay

Tu Chala Gaya Mujhay Chorh Kar Maine Phir Bhi Tujh Ko Sadayain Deen
Meray Humsafar Tu Ruka Nahin Yeh Meri Sada Ki Shikast Hay

Tujhey Laa K Dil Main Bitha Dia, Tujhey Raaz Har Ek Bata Dia
Tu Nay Phir Bhi Koi Wafa Na Ki Yeh Meri Wafa Ki Shikast Hay

Main Chaaragh-e-Kuhna Mizaaj Tha , Tujhey Bijliyoun Ki Talab Rahi
Mujhey Aandhiyon Nay Bujha Dia Yeh Meri Ziaa Ki Shikast Hay'

Mujhey Is Tarah Naa Sataogey , Mujhey Zoam Tha K Naa Jao Gey
Mera Ghalat Wehm-o-Gumaan Hee Meri Intiha Ki Shikast Hay

Mujhey Koi Tujh Say Gilaa Nahin, Tu Mila Tha Kub? K Bicharh Gaya
Meray Jurm Ki Hay Yehi Saza Yeh Meri Wafa Ki Shikast Hay

Meri Khamoshi K Bayaan Ko, Tu Samajh K Bhi Naa Samajh Saka
Meray Aansooun Ka Payaam Hee Dil-e-Baynawa Ki Shikast Hay

Gham-e-Daastaan-e-Hayaat K Sub Hee Tazkirey Hoy Raiygaan
Meray Chaaragar Tera Yeh Hunar, Meri Har Ada Ki Shikast Hay

Mujhey Ramzgah-E-Hayaat Main Yon Kabhi Naa Koi Giraa Saka
Teri Khamoshi Ki Pukaar Hee Meri Ibtidaa Ki Shikast Hay

Meri Jaan Tasadduq Khamosh Reh, Bhala Zour Kis Ka Hawayoun Par
K Jahan Bhi Rukh Yeh Badal Gayeen Waheen Naakhudaa Ki Shikast Hay...