MeraForum Community.No 1 Pakistani Forum Community - AVAST Free Application for Android

اینڈروئیڈ اسمارٹ فون کو فالتو فائلوں سے پاک کرنے کے لئے ایواسٹ کی مفت ایپلی کیشن

http://www.computingpk.com/wp-conten...er-590x369.png

جب ہم نیا اسمارٹ فون خریدتے ہیں تو ابتدائی دنوں میں اس کی رفتار لاجواب ہوتی ہے۔ چند ماہ استعمال کے بعد اس کی حالت ایسی ہو جاتی ہے جیسے یہ وہ فون ہی نہیں۔ یہ کسی ہارڈویئر مسئلے کی وجہ سے بھی ہو سکتا ہے لیکن نوے فیصد امکان اس بات کے ہوتے ہیں کہ اس پر جمع ہونے والے کچرے نے اسے سست و کاہل بنا دیا ہے۔ اسٹوریج میڈیا میں دن بدن بڑھتے ڈیٹا اور ایپلی کیشن کی فالتو و کیشے فائلز فون کی رفتاری میں کمی کا باعث بنتی ہیں۔ جس کی وجہ سے ایپلی کیشن کھلنے اور چلنے میں دیر لگانا شروع کر دیتی ہیں۔

ہمیں کمپیوٹنگ کے فیس بک صفحے پر اکثر لوگ بتاتے ہیں کہ ان کے اسمارٹ فون میں اسپیس ختم ہو چکی ہے، حالانکہ وہ کچھ ایپلی کیشنز وغیرہ اَن انسٹال بھی کر دیتے ہیں لیکن افاقہ نہیں پڑتا۔ ایسی صورت حال میں ایک کلینر ایپلی کیشن درکار ہوتی ہیں۔ گوگل پلے اسٹور پر دیکھیں تو اس حوالے سے کئی ایپلی کیشنز موجود ہیں جیسے کہ ’’کلین ماسٹر‘‘ ایپ، اس طرح کی کئی ایپس دستیاب ہیں جن کا تجزیہ کرنے کے بعد خاص کر اسے استعمال کرنے والوں کے تبصرے پڑھنے کے بعد ان میں سے آپ جو چاہیں استعمال کر سکتے ہیں۔ اس حوالے آئیے آپ کو ایک عدد اور ایپلی کیشن سے متعارف کرواتے ہیں۔

ایک سست پڑتے فون کے لیے اینٹی وائرس بنانے والی معروف کمپنی
AVAST
کی ایپلی کیشن
GrimeFighter
استعمال کی جا سکتی ہے۔ گرائم فائٹر اسمارٹ فون میں جمع ہونے والی فالتو اور کیشے فائلز کو حذف کر کے اس کی رفتار کو بہتر بنانے کی کوشش کرتی ہے۔
گوگل پلے اسٹور سے انسٹال کرنے کے لیے درج ذیل ربط پر جائیں

انسٹال کریں

http://www.computingpk.com/wp-conten...android-03.jpg

گرائم فائٹر ایپلی کیشن فون سے فالتو فائلز ٹھکانے لگاتے ہوئے خیال رکھتی ہے کہ آپ کے فون میں کسی قسم کی خرابی پیدا نہ ہو۔ اگرچہ یہ
Safe clean
کا آپشن بھی دیتی ہے لیکن اس کی ضرورت نہیں ، کیونکہ ایپلی کیشن پر بھروسا کیا جا سکتا ہے۔

سیف کلین کے علاوہ یہ مکمل کنفگریشن کا آپشن بھی دیتی ہے جس میں آپ ’’ایڈوانسڈ کلیننگ‘‘ میں صفائی کے لیے ایپلی کیشنز، ایپ ڈیٹا، صارف کی فائلز، میڈیا فائلز، ڈاؤن لوڈڈ فائلز وغیرہ صفائی کے لیے منتخب کر سکتے ہیں۔ سسٹم اسٹوریج میں خالی اسپیس بنانے کے لیے اس میں ’’ٹرانسفر ٹو کلاؤڈ‘‘ کا آپشن بھی موجود ہے جس کے ذریعے فائلز کو کلاؤڈ اسٹوریج پر منتقل کر کے فون میں خالی اسپیس بنائی جا سکتی ہے