MeraForum Community.No 1 Pakistani Forum Community

تُو شریکِ سفر ہُوا نہ مگر

تیری خوشبو ہے ہمسفر میری
ذِکر تیرا ہے رُوح میں رقصاں
تجھ کو مانگے ہے چشمِ تَر میری
ایک ذرہ ہُوں ایک ذرے پر
ذات کتنی ہے معتبر میری؟
پوچھتا پھر رہا ہوں تاروں سے
کیا کسی کو مِلی خبر میری؟
چشمِ ساقی کو بھُول بیٹھا ہُوں
دستِ ساقی پہ ہے نظر میری
کل وہ چُپکے سے مُسکرائیں گے
آج برہم ہیں بات پر میری
آج پھر اِس اندھیر نگری میں
لُوٹ لی شاہ نے سَحَر میری
اپنے انجام کی طرف صاحِب
عمر بڑھتی ہے عمر بھر میری!