MeraForum Community.No 1 Pakistani Forum Community - ہمارے خون کے پیاسے

https://fbcdn-sphotos-g-a.akamaihd.n...149fd392ae5fed

ہمارے خون کے پیاسے

ہمارے خون کے پیاسے پشیمانی سے مر جائیں
اگر ہم ایک دن اپنی ہی نادانی سے مر جائیں

اذیت سے جنم لیتی سہولت راس آتی ہے
کوئی ایسی پڑے مشکل کہ آسانی سے مر جائیں

ادھوری ہی نظر کافی ہے اس آئینہ داری پر
اگر ہم غور سے دیکھیں تو حیرانی سے مر جائیں

بنا رکھیں ہیں دیواروں پہ تصویریں پرندوں کی
وگرنہ ہم تو اپنے گھر کی ویرانی سے مر جائیں

اگر وحشت کا یہ عالم رہا تو عین ممکن ہے
سکوں سے جیتے جیتے بھی پریشانی سے مر جائیں

کہیں ایسا نہ ہو یارب! کہ یہ ترسے ہوئے عابد
تری جنت میں اشیاء کی فراوانی سے مر جائیں