MeraForum Community.No 1 Pakistani Forum Community - محمد حفیظ کا بولنگ ایکشن مشکوک قرار

دبئی ( کاروان ڈیسک) نیوزی لینڈ کے خلاف ٹیسٹ سیریز میں میچ ریفری نے آل راﺅنڈر محمد حفیظ کا بولنگ ایکشن مشکوک قرار دیا ہے۔

اطلاعات کے مطابق آل راﺅنڈر محمد حفیظ نے ابوظہبی ٹیسٹ میں نیوزی لینڈ کے خلاف دوسری اننگز میں کین ولیمسن کی اہم وکٹ حاصل کی جبکہ میچ ریفری اینڈی پیکروف نے محمد حفیظ کے بولنگ ایکشن پراعتراض اٹھاتے ہوئے اس حوالے سے آئی سی سی کو رپورٹ بھیج دی۔

میچ ریفری نے پاکستان کرکٹ ٹیم کے چیف سلیکٹر معین خان کو بھی اس حوالے سے آگاہ کردیا ہے۔

واضح رہے کہ رواں سال بھارت میں ہونے والی چیمپئنز لیگ کے دوران لاہور لائنز کے کپتان محمد حفیظ کے بولنگ ایکشن کو مشکوک قرار دیا گیا تھا جبکہ آئی سی سی جادوگراسپنر سعید اجمل کے بولنگ ایکشن کو پہلے ہی غیرقانونی قراردے کر ان پر پابندی عائد کرچکی ہے