Qurbaton Mein Bhi Judai Kay Zamaane Mange
Dil Woh Be Mehar Hai K Rone K Bahane Mange,

Hum Na Hote To Kisi Aur K Charche Hote
Khalqat-e-Shaher To Kehne Ko Fasane Maange,

Yehi Dil Tha K Tarasta Tha Marasim K Liye
Ab Yehi Tark-e-Taluq Kay Bahaane Maange,

Zindgi Hum Tere Daaghon Se Rahe Sharminda
Aur Tu Hai K Sadaa Aayena Khaane Maange,

Dil Kisi Haal Pe Qaane Hi Nahi Jaan "Faraz"
Mil Gaye Tum Bhi To Kiya Aur Na Jaane Maange