واٹمور چھوٹی ٹیموں کو تیار کریں گے
 

دبئی (آن لائن) ڈیو واٹمور چھوٹی ٹیموں کو بڑے مشن کیلئے تیار کریںگے۔ آئی سی سی نے انہیں ہائی پرفارمنس منیجر مقرر کر دیا۔ پاکستان کے سابق کوچ اب افغانستان، آئرلینڈ، اسکاٹ لینڈ اور متحدہ عرب امارات کے ساتھ کام کریں گے۔

تفصیلات کے مطابق انٹرنیشنل کرکٹ کونسل نے اعلان کیا ہے کہ سابق آسٹریلوی کرکٹر اور کوچ ڈیو واٹمور چار ٹاپ ایسوسی ایٹ سائیڈز افغانستان، آئرلینڈ، اسکاٹ لینڈ اور یو اے ای کو آئندہ برس شیڈول ورلڈ کپ کی تیاریوں میں مدد فراہم کریں گے۔

وہ اس سے قبل پاکستان، بنگلہ دیش اور سری لنکا جیسی ٹیموں کی کوچنگ کرچکے ہیں۔ انہیں ہائی پرفارمنس منیجر کا عہدہ دیا گیا جس کے تحت وہ تمام چاروں ٹیموں کو مشورے اور سپورٹ فراہم کریں گے۔واٹمور اپنی ذمہ داریوں کا آغاز 14 مئی کو اسکاٹ لینڈ میں شروع ہونے والے ہائی پرفارمنس پروگرام سپورٹ اسٹاف فورم سے کریں گے۔ وہ ان تمام ٹیموں کے کوچز سے ملاقات میں اپنی سپورٹ کا لائحہ عمل تیار کریں گے۔

Source news > http://www.karwanonline.pk/news/1934...e-small-teams/