MeraForum Community.No 1 Pakistani Forum Community - Bachon K Mobile or Tablet Use Krne Mein Ikhtiyati Tadaber!

چھوٹے بچوں کے موبائل و ٹیبلیٹ کے استعمال سے متعلق چند احتیاطی تدابیر

آپ میں سے جن دوستوں کے گھروں میں چھوٹے بچے موجود ہیں وہ اس بات سے باخوبی آگاہ ہونگے کہ آجکل 2 سے 10 سال کے بچے کھلونوں کی بجائے سمارٹ فونز اور ٹیبلیٹ کمپیوٹرز پر گیمز کھیلنا زیادہ پسند کرتے ہیں

http://www.itnama.com/wp-content/upl...tablets-15.jpg

ادھر آپ نے جیب سے سمارٹ فون نکالا یا ٹیبلیٹ آن کی اور بچے آپ کی دیوانے ہوجاتے ہیں کہ ہم نے فلاں گیم کھیلنی یا اس پر پیانو بجانا ہے، کوئی اس پر نظم سننے کی فرمائش کر دیتا ہے تو کسی کو ڈرائینگ میں کلر بھرنے ہیں۔ عام طور پر ہم بچوں کو مصروف رکھنے کے لیے موبائل اور ٹیبلیٹ استعمال کرنے کی اجازت بھی دے دیتے ہیں تاہم اسکے لیے چند احتیاطوں کی ضرورت ہے۔

آپ کے سمارٹ فون میں بہت سا ڈیٹا موجود ہوتا ہے، جس میں سے اہم آپکے کانٹیک نمبرز، ایس ایم ایس اور تصاویر وغیرہ ہیں، بچے چونکہ اسکا استعمال زیادہ بہتر نہیں جانتے اس لیے ہوسکتا ہے کہ وہ ضروری معلومات ڈیلیٹ کردیں یا غلطی سے کال ملا کر آپ کا موبائل بیلنس ختم کردیں۔ اس لیے بہتر یہ ہے کہ آپ اپنی نگرانی میں بچوں کو موبائل و ٹیبلیٹ پر گیمز کھیلائیں، اگر ایسا ممکن نہیں تو فون میں موجود
Parental Controls
کا استعمال کریں۔

http://www.itnama.com/wp-content/upl...02/control.jpg

ایپل آئی او ایس 6 اور اسکے بعد آنے والے تمام ورژنز میں یہ فیچر موجود ہے، جسکی بدولت آپ آپ بچوں کو کالز، ایس ایم ایس، فیس بک اور دیگر ایپلی کیشنز استعمال کرنے سے روک سکتے ہیں۔ اسی طرح اینڈرائیڈ کے جیلی بین اور دیگر نئے ورژنز میں
Users
کا فیچر شامل کیا گیا ہے۔ جسکی بدولت آپ کمپیوٹر ہی کی طرح ایک ڈیوائس پر مختلف اکاؤنٹ بنا سکتے ہیں اور کسی صارف کی رسائی کو محدود کر سکتے ہیں۔ دیگر موبائل فون آپریٹنگ سسٹمز جیسے ونڈوز فون اور بلیک بیری میں بھی ایسے فیچر موجود ہیں۔

اب جبکہ آپ نے ضروری ایپلیکیشنز اور ڈیٹا تک بچوں کی رسائی روک دی تو یہ ضروری ہے کہ ٹیبلیٹ میں وہ گیمز اور ایپلی کیشنز انسٹال کریں جو بچے کی عمر کے حساب سے موزوں ہوں۔ آپ ایپل سٹور اور اینڈرائیڈ پلے سٹور میں وہ ایپلی کیشنز سرچ کریں جو خاص بچوں کے لیے تیار کی گئی ہوں، ماڑ دھاڑ والی گیمز بچوں کو مت کھیلنے دیں۔ مثلاً اگر آپ وہاں
Kids games
سرچ کریں تو بہت سی آسان اور دلچسپ گیمز مل جائیں گی۔

http://www.itnama.com/wp-content/upl...kidsdoojoy.jpg

یہ تو ہوگئی فون میں موجود ڈیٹا کی حفاظت لیکن فون یا ٹیبلیٹ کی حفاظت کے لیے بھی آپ کو کور کا استعمال کرنا چاہیے۔ بچوں کے ہاتھ چھوٹے ہوتے ہیں اور عین ممکن ہے کہ وہ گیم کھیلتے ہوئے موبائل یا ٹیبلیٹ زمین پر گرا بیٹھیں لہذا بازار سے ایک اچھا سا
Case
خرید چھوڑیں تاکہ آپ کے فون یا ٹیبلیٹ کو زیادہ نقصان نہ پہنچے۔

http://www.itnama.com/wp-content/upl...ablet-case.jpg

ان تمام احتیاطی تدابیر کے بعد اس بات کا خاص خیال رکھیں کہ بچوں کی اچھی نشونما کے لیے ضروری ہے کہ وہ بھاگ دوڑ کریں اور صحت افزاء سرگرمیوں میں حصہ لیں۔ موبائل یا ٹیبلیٹ کا حد سے زیادہ استعمال انکی نظر اور جسمانی صلاحیتوں کو کمزور کر سکتا ہے۔ بچوں کے لیے ایک ٹائم ٹیبل تیار کریں اور انہیں ایک دن میں آدھ گھنٹے سے زیادہ گیمز مت کھیلنے دیں۔ امید ہے کہ یہ چند ضروری باتیں آپ کے کام آئیں گی۔