MeraForum Community.No 1 Pakistani Forum Community

انٹرنیٹ سینسر شپ کے خلاف …پائریٹ بے کا اپنا ویب برائوزر

http://mobopk.com/images/piratebay590x318.jpg

جس تیزی سے دنیا بھر میں انٹرنیٹ صارفین کی تعداد بڑھتی جارہی ہے، اسی تیزی سے کئی ممالک اپنے شہریوں پر انٹرنیٹ کا دائرہ تنگ کرتے جارہے ہیں۔ انٹرنیٹ سینسر شپ اب ایک عام بات ہے اور کئی ممالک نے اپنے شہریوں کی انٹرنیٹ تک رسائی انتہائی محدود کررکھی ہے۔ مثال کے طور پر پاکستان میں یوٹیوب پر پابندی ہے جبکہ چین گریٹ فائر وال آف چائنا کی مدد سے اپنے کروڑوں انٹرنیٹ استعمال کرنے والے شہریوں کی نگرانی اور ان کی رسائی کنٹرول کرتا ہے۔ ایران، نارتھ کوریا، فن لینڈ، ڈنمارک، اٹلی، برطانیہ، آئرلینڈ سمیت کئی ممالک میں بھی ایسی ہی صورت حال ہے ۔ اسی سینسر شپ کا مقابلے کرنے کے لئے ٹورینٹس کے حوالے سے مشہور پائریٹ بے
Pirate Bay
ے اپنا ایک برائوزر پیکج
Pirate Browser
پیش کیا ہے جس کے ذریعے انٹرنیٹ کے ان حصوں تک بھی رسائی حاصل کی جاسکتی ہے جن تک رسائی پر حکومتوں نے قدغن لگا رکھی ہے۔
پائریٹ برائوزر دراصل کئی سافٹ ویئر کا مجموعہ ہے۔ اس میں فائر فاکس کا ایک کسٹمائزڈ ورژن جو کہ پورٹ ایبل Tor بھی ہے، ٹور
کلائنٹ اور فوکسی پروکسی نامی فائر فاکس کا ایک ایڈ اون شامل ہیں۔ ٹور کلائنٹ کی موجودگی سے یہ تاثر ملتا ہے کہ شاید یہ برائوزر بھی ٹور برائوزر کی طرح اپنی شناخت چھپا کر انٹرنیٹ استعمال کرنے کے لئے ہے۔ تاہم ایسا نہیں ہے۔ پائریٹ برائوزر کا بنیادی مقصد انٹرنیٹ سینسر شپ سے آزادی ہے اور اس میں صارف کی شناخت چھپانے کے لئے کوئی خاص انتظام نہیں کیا جاتا۔