MeraForum Community.No 1 Pakistani Forum Community - !!~~Mere dard ki jo dawa karey~~!!

Mairay Dard Ki Jo Dawa Karay, Koi Aesa Shakhs Huwa Karay
Woh Jo Bay’Panaah Udaas Ho, Magar Hijr Ka Na Gila Karay

Mairi Chahatai’n Mairi Qurbatai’n Jisay Yaad Aaei’n Qadam Qadam
To Woh Sab Say Chup Kay Libas-e-Shab Mai’n Lipat Kay Aah.O.Buka Karay

Barhay Us Ka Gham To Qaraar Kho Day Woh Mairay Gham Kay Khayaal Say
Uthai’n Haath Apnay Liye To Phir Bhi Mairay Liye Hi Dua Karay

Yeh Qasas Ajeeb.O.Ghareeb Hai’n, Yeh Mohabbato’n Kay Naseeb Hai’n
Mujhay Kaisay Khud Say Juda Karay, Usay Kuch Bataao Kay Kiya Karay

Kabhi Tay Karay Yoo’n Hi Soch Soch Mai’n Woh Firaaq Kay Faaslay
Mairay Peechay Aa Kay Dabay Dabay, Mairi Aankhai’n Moond Hansa Karay

Bhala Kaisay Apnay Hi Aks Ko Mai’n Rafeeq-e-Jaan Bana Sakoo’n
Koi Owr Ho To Bata To Day, Koi Hay Kahee’n To Sada Karay

Usay Dhoondti Hay Gali Gali, Mairi Khilwato’n Ki Udasiya’n
Woh Milay To Bas Yeh Kahoo’n Kay Aa, Maira Mowla Taira Bhala Karay