MeraForum Community.No 1 Pakistani Forum Community

http://www.loverofsadness.net/LOS/im...23ec4bacc6.jpg

آنسُو
جب بھی آنکھ سے ٹپکا آنسُو
کِس نے کِس کا دیکھا آنسُو

ہر اک کا دُکھ سہنے والا
اُف یہ بھولا بھالا آنسُو

ہیرے موتی ہم کیا لاتے
ہاتھ پہ اُس کے رکھا آنسُو

تُو آیا تو بہہ نکلے گا
تیری آس میں جمتا آنسُو

وہ تو میرا ہی دل تھا ناں
جس کو تُم نے سمجھا آنسُو

روکو،روکو،اس کو روکو
کردے گا یہ رُسوا آنسُو

مِٹی میں رولا اور بولے
اچھا تو بس یہ تھا آنسُو

واپس لوٹ کے آ جائے گا
میرا بھُولا بھٹکا آنسُو

بادل گرجا، بجلی چمکی
بارش میں جب بھیگا آنسُو

اُس کو بھی آخر بہنا تھا
آنکھ میں کب تک رہتا آنسُو

مَن کی آگ بُجھا ڈالے گا
دیکھ صبا یہ تیرا آنسُو