MeraForum Community.No 1 Pakistani Forum Community - اقتباس: نبیلہ عزیز کر ناول “جنت دو قدم” سے)

حضرت علی رضی اللہ تعالٰی عنہ کا قول ہے

نفس زرد کتا ہے! اور جب کتا بے لگام اور منہ زور ہو جاتا ہے تو وہ اپنے پرائے کی، اچھائی برائی کی اور گناہ ثواب کی تمیز بھول جاتا ہے وہ یہ نہیں دیکھتا کہ کس پہ بھونک رہا ہے؟ کس کو کاٹ رہا ہے؟ اور کیا کر رہا ہے؟ کیونکہ وہ ہر احساس سے بے بہرہ اور اندھا ہوچکا ہوتا ہے اور اپنے ساتھ ساتھ اس آدمی کو بھی اندھا کر ڈالتا ہے جو اسے اپنے جسم کے اندر اور اپنے جزبات کے اندر پرورش دیتا ہے اور سب سے نقصان بھی اسی آدمی کا ہوتا ہے۔

جب یہ زرد کتا اپنی ہوس، اپنی آگ، اپنی بھوک مٹا لیتا ہے تو پھر اک لمبی اور گہری نیند سو جاتا ہے لیکن یہ لمبی اور گہری نیند سونے سے پہلے انسان کے ضمیر کی آنکھ کو جگا دیتا ہے وہ آنکھ جس میں ایسی بصیرت ہوتی ہے کہ پوری دنیا کی نظریں خود پہ محسوس ہونے لگتی ہیں ہر آنکھ ہمیں کھوجتی نظر آتی ہے اپنا آپ بُرا اور غلیظ لگنے لگتا ہے اپنے وجود سے گھن آنے لگتی ہے اپنے ذات “داغ شدہ” محسوس ہوتی ہے۔

تاریکیوں کے سوا کچھ دکھائی نہیں دیتا، کہیں سکون نہیں ملتا اور تب انسان کچھ بھی نہیں کر سکتا نہ اس زرد کتے کا کچھ بگاڑ سکتا ہے اور نہ ہی اپنے ضمیر کی آنکھ بند کر سکتا ہے شاہد اس لئے کہ آنکھ ایک (بار بند ہو) جائے تو پھر سمجھ لینا چاہئے کہ یا تو انسان مر گیا ہے ہا پھر ضمیر مر گیا ہے۔

(اقتباس: نبیلہ عزیز کر ناول “جنت دو قدم” سے)