MeraForum Community.No 1 Pakistani Forum Community

Dil ki chaukhat pe ek deep jala rakha hai
Tere laut aane ka imkaan saja rakha hai

Rooth jaatay ho to kuch aur haseen lagtay ho
Hum ne yeh soch ke hi tum ko khafa rakha hai

Tum jisay rota hua chhorr gaye thay ek din
Hum ne us shaam ko seenay se laga rakha hai

Chein lene nahin deta yeh kisi tor mujhe
Teri yaadon ne jo toofaan utha rakha hai

Jaanay waalay ne kaha tha ke woh laut aaye ga zaroor
Ek isi aas pe darwaaza khula rakha hai

Tere jaanay se jo ek dhool uthee thee ghum ki
maniay us dhool ko aankhon main basa rakha hai

Mujh ko kal shaam se woh bohat yaad aanay laga
Dil ne muddat se jo ek shakhs bhula rakha hai

Aakhri baar jo aaya tha mere naam Zaidi
Mein ne is khat ko kalejey se laga rakha hai…