برطانیہ کے خلاف کھیلے جانے والے ٹی ٹوئنٹی میچ میں آسٹریلوی بلے باز ایرون فنچ نے آٹھ چھکوں اور نو چوکوں کی مدد سے سینتالیس گیندوں پر اپنی پہلی ٹی ٹوئنٹی سنچری مکمل کر لی ہے۔
انھوں نے کسی گیند باز کو نہیں بخشا بلکہ جوئے روٹ پر تو ایسا لاٹھی چارج کیا کہ ایک اوور میں ستائیس رنز مار دیے اور ان کی اس انگز کی وجہ سے آسٹریلیا پہلا ٹی ٹونٹی میچ تھرٹی نائن رنز سے جیت گیا۔۔۔

ٹی ٹوئنٹی انٹرنیشل کرکٹ میں یہ دوسری تیز ترین سنچری ہے پہلی پوزیشن پر جنوبی افریقہ کے بلے باز رچرڈ لیوی پینتالیس گیندوں پر سنچری بنا کر براجمان ہیں۔ جب کہ میرے خیال سے جنھوں نے یہ میچ دیکھا ہے وہ یہ سمجھ سکتے ہیں کہ ایرون فنچ اگر چاہتے تو وہ تیز ترین سینچری کا ریکارڈ بھی اپنے نام کر سکتے تھے۔۔


کرکٹ کےوہ سب دیوانے جو مصباح الحق کی انگز دیکھنے کے بعد غصے میں ہیں اور وہ فنچ کی باری نہیں دیکھ سکے ان سب نے یقینا ایک بڑی تفریح مس کر دی ۔ میرا اُن سب کو مشورہ ہے کہ وہ یہ میچ لازمی دیکھیں دوبارہ اگر نہیں دیکھا تو۔۔