MeraForum Community.No 1 Pakistani Forum Community

Jab Tasawur mera chupkey se tujhey chu aaey.
Apni har saans se mujh ko teri khushbu aaey.

Mashgala ab hai mera chaand ko taktey rehna,
Raat bhar chain na mujh ko kisi pehlu aaey.

Pyaar main ham nay koi firaaq na chora baaqi,
Jheel mein aks to mera, nazar tu aaey.

Jab bhi gardish-e-doraa'n ne sataaya mujh ko,
Meri jaanib terey phailey huey baazu aaey.

Jab bhi socha keh shab-e-hijar na ho gi roshan,
Mujh ko samjhaney teri yaad kay jugnu aaey.

Kitna hasaas hai meri aas ka sanaata,
Keh jahaan khamoshi bhi baandh ka ghungru aaey.

Mujh se milney sar-e-shaam koi saaya sa,
Terey aangan se chaley aur lab-e-ju aaey.

Us kay lehjey ka asar to hai bari baat Qateel~,
Woh to aankho'n se bhi karta hua jaadu aaey.