ShihaaB Hum Nay Allah Ka Naam Lay Ker
Kharabaat Ko Sonp Di Zindaygaani

Her chandd raakh ho k bikherna hai raah mein
Jaltay huway paroon say uraa hoon , mujhay bhi dekh

Tu nay kaha na tha k main kashti pay boujh hoon
Aankhoon ko ab na dhaanp mujhay doobta bhi dekh.

Mujhay meray siwa sab log samjhein
Main apnay aap say kam bolta hoon

Meri qurbat say kiun khaaif hai duniya
Samander hoon main khud mein goonjta hoon.

Hai azal ki is ghalat-bakhshi pay hayraani mujhay
Ishq laa-faani mila hai zindagi faani mujhay

Main wo basti hoon k yaad-e-raftagaan k bhais mein
Dekhnay aati hai ab meri hi weeraani mujhay.

Yaad ko deeda-e-khoonbaar say oujhal ker k
Mujh ko haalaat nay maara hai mukammal ker k

Yaani terteeb-e-karam ka bhi saleeqa tha usay
Us nay patthar bhi uthaaya mujhay pagal ker k.

Jala k tu bhi ager aasraa na day mujh ko
Ye khouf hai k hawa phir bujha na day mujh ko

Main is khayaal say murr murr k dekhta hoon usay
Bicher k wo bhi kaheen phir sadaa na day mujh ko.