Mujhey Yaad Koi Doa Nahi, Meray Humsafar Abi Soch Le
Tu Meri Jabeen Pe Likha Nahi, Maray Humsafar Abi Soch Le

Abi Raasta Bi Hai Dhool Mein, Abi Fa'eda Bi Hai Bhool Mein
Abi Mujh Ko Tujh Se Gilla Nah, Meray Humsafar Abi Soch Le

Main Janum Janum Se Naraaz Hon, Main Janum Janum Se Udaas Hon
Main Kahbi Bi Khull Ke Hussa Nahi, Meray Humsafar Abi Soch Le

Tu Hai Khaab Khaab Pokarta, Meri Aankh Mein Nahi Ashk Bi
Main K Muddaton Se Jia Nahi, Meray Humsafar Abi Soch Le

Tujhay Khushbo'on Ki Hai Arzoo, Tujhay Roshni Ki Hai Justjoo
Main Hava Nahi, Main Diya Nahi, Meray Humsafar Abi Soch Le

Tujhay Aanso,on Ka Pata Nahi, Tujhay Rut'jagon Ka Gumaan Nahi
Tujhay Iss Se Agay Pata Nahi, Meray Humsafar Abi Soch Le

Kahin Chhoot Sakta Hai Darmiyan, Na Zameen Milay Gi Na Asmaan
Tujhay Raastay Ka Pata Nahi, Maray Humsafar Abi Soch Le

Mujhay Doondta Hee Phiray Ga Tu, Na Ji'ey Ga, Roz Maray Ga Tu
Main Kabi Bi Ghar Pe Mila Nahi, Meray Humsafar Abi Soch Le

Kaho! Loutna Hai Kabi Yahan, Meray Dard Sunn Meray Meharban
Meray Pass Vaqat Zara Nahi, Maray Humsafar Abi Soch Le

SAKOOT E JAAN KA MATLAB BATADO

Sakoot-e-jaan ka matlab batado phir chalay jana
Ya phir sargoshian dil ki suna do phir chalay jana

Jo mera aur tumhara waqt guzra hansnay ronay may
Usay puri tarha se tum bhulado phir chalay jana

Ye saray pair poday tum bin Kai raat jagay hai
Tum aakay ek baar inko sulado phir chalay jana

Kisi ko chahne ka aur kisi se chahay janay ka
Jo hai ahsaas tum usko bhulado phir chalay jana

Bus I murda hansi se apnay ashko ko chupanay ka
Jo fun aata hai tum ko, wo sikhado phir chalay jana

Wo Jo I lafz-e-ulfat hai, juda hai apnay maani se
Bus in alfaz-o-mani ko milado phir chalay jana

Jo kehte kahte ruk gaye, un sari bato ki
Sama'at ko talab hai wo suna do phir chalay jana

Na janay q hai lakin dekhne ki tum ko aadat hai
Meri ye be-waja aadat chura do phir chalay jana

Merey in roz-o-shab ka ek fakat unwan bus tum ho
Mujhe tum doosra unwan lado phir chalay jana

HAIDER ki koshish, ay Khuda, na jaye raigan,
Mujhe is sabr ka kuch phal dila do phir chalay jana....

Wafa k qaid khano ma sazaen kb badalten hen
Badalta dil ka mosam ha wafaen kb badalten hen

libada orh kar gham k nikal jaten hen sahra ko
Jawa aay na aay sadaen kab badalti hen

Saron par dhoop ha gham ki dilon ma wahshaten kitni
Hamary dil k sehra ke fazaen kab badalti hen

Meri sari duaen tum se he mansoob thi sathi
Muhabat ho agar sachi to duaen kab badalti hen

koi paa kar nibhat ha koi kho kar nibhata ha
Naey andaz hoty hen adaen kab badalti hen

Maghroor hi sahi mujey acha buhat laga
woh ajnabi tou tha mager apna buhat laga



rotha howa tha hans tou pera muj ko dekh ker
muj ko tou iss qader bhi dalasa buhat laga



sehra mein ji raha tha jo derya dili kai sath
dekh jo ghor sai tou woh payasa buhat laga



woh jis kay dam qadam sai thin basti ki ronkain
basti ujer gai tou akela buhat laga



lipta howa ho jesey kuhar mein jesey khazan ka chand
melay libas mein b woh payara buhat laga



resham pahan kai bi meri qimat na ber saki
kadher bi uss k jisam pe mehnga buhat laga



Mohsin jab aiyne pe mari sans jamm gai
mujh ko khud apna akas bhi dundhala buhat laga

Ab Mery Pas Tum Aai Ho To Kiya Aai Ho
Main Nay Mana Kah Tum Aik Paiker-e-Ranai Ho
Chaman-e-Daher main Dobi Hoi Chaman Aarai Ho
Talate-e-Meher Ho Firdoos Ke Barnai Ho
Bint-e-Mahtaab Ho Gardo'n Say Utar Aai Ho
Mujh Say Milny Main Ab Andaisha-e-Ruswai Hay
Main Nay Khud Apny Kiye Ke Yah Saza Pai Hay
Ab Meri Pass Tum Aai Ho To Kiya Aai Ho!

Un Dino'n Mujh Pay Qaymat Ka Junoo'n Tari Tha
sar Pay Sarshari-o-Ishrat Ka Junoo'n Tari Tha
MahParoo'n Say Mohabbat Ka Junoo'n Tha
Shaher Yaroo'n Say Raqabat ka Junoo'n Tari Tha
Bistar-e-Makhmal-o-Sanjaab The Duniya Meri
Aik Rangeen-o-Haseem Khuwab The Duniya Meri
Kiya Suno Gee Meri Majrooh Jawani Ke Pukar
Meri Faryaad-e-Jiger-e-doz Mera Nala-e-Zaar
Shidat-e-Qarb Main Dobi HOi Meri Guftaar
Woh Gudaz-e-Dil-e-Marhoom Kahan Say Laoo'n
Ab Main Woh Jazb-e-Masoom Kahan Say Laoo'n
Ab Mery Pass Tum Aaai Ho To Kiya Aaai Ho!

Nazar se door hota Ja raha hai
kay woh majboor hota Ja raha hai

ussey hum sey taghafal ka gilla hai
Jo khud maghroor hota ja raha hai

azzal sey rouh to apni thii ghayal
badan bhi choor hota Ja raha hai

Mohabbat jurm banti Ja rahi hai
ajab dastoor hota Ja raha hai

khuda jaaney teri aankhon mein kya hai
kay dil majboor hota Ja raha hai

mohabbat ka ahdhoora sa fasaana
buhat mashhoor hota Ja raha hai

chaloo ab faisla ker lo
k jo apni mohabat thi
nasha tha woh jawani ka
khumar utra to yeh jana
mohabat youn nahi hoti
jo mein nay khuwab dekhay thay
ab in ki kirchiyan hi hain
or zakhmi paon hain meray
tumhara hum qadam rehna
mujhay mumkin nahi lagta
tumharay or meray darmiyan
koi dewar ha shayd
YEH hargiz gir nahi sakti
tumhain woh log pyary hain
jo mujh ko zahar samjhtay hain
mujhay tum ab bhi pyaray ho
mager ab moor aisa ha
jahan itnay mukhalif hain
tumhain yeh to pata ho ga
mukhaluf simt chlnay say
kabhi manzil nahi milti
to phir kiyon waqt khootay ho
chaloo ab faisla karlo
chaloo ab faisla karlo....... .......

Apne Ishq ki dastan sadaa adhuri rahi,
Kuch unki aur kuch apni majburi rahi.

Dur the to paas aane ki chahat to thi,
Paas aakar bhi dilon me ek duri rahi.

Ik hum the jinka har pal andhere me raha,
Ik vo the jinki har sham sinduri rahi.

Bahut dhundhe magar aaj tak vo ilfaz na mile,
Jinke bina zindagi ki Ghazal adhuri rahi��

EK TAAZA HIKAAYAT HAI (MY ALL TIME FAV)


Ik taaza hikaayat hai
Sun lo tau inaayat hai
. .
Ik shakhs ko dekha tha
Taaron ki tarah hum ne
Ik Shakhs ko chaha tha
Apno ki tarah hum ne
Ik shakhs ko samjha tha
Phoolon ki tarah hum ne
. .
Woh shakhs qayamat tha
Kiya uski karain baatein
Din us k liye paida
Aur uski hi theen raatein
Kam milna kissi se tha
Hum se theen mulaqatein
. .
Rang uska shahaabi tha
Zulfon mein theen mekaarein
Aankhain theen k jaadu tha
Palkain theen k talwaarein
Dushman bhi agar dekhain
So jaan se dil haarein
. .
Kuch tum se woh milta tha
Baaton mein shabaahat mein
Haam tum sa hi lagta tha
Shokhi mein sharaarat mein
Lagta bhi tum hi sa tha
Dastoor-E-Muhabbat mein
. .
Woh shakhs humain ik din
Apno ki tarah bhoola
Taaron ki tarah dooba
Phoolon ki tarah toota
Phir haath na aaya woh
Hum ne tau buhat dhoonda
. .
Tum kiss liye chonkay ho?
Kab zikr tumhara hai?
Kab tum se taqaaza hai?
Kab tum se shikaayat hai?
. .
IK TAAZA HIKAAYAT HAI
SUN LO TAU INAAYAT HAI

Chand tanha hai aasman tanha
Dil mila hai kahan kahan tanha
Bujh gae aas chup gaya taara
Thartharata raha dhuwan tanha
Zindage kiya issi ko kehte hain?
Jism tanha hai aur jaan tanha
Hamsafar koi ager mile bhi kahin
Donon chalte rahe tanha tanha
Jalti bujhti roshni ke pare
Simta simta sa ik makan tanha
Raah dekha kare ga sadiyon tak
Chor jaen ge yeh jahan tanha