MeraForum Community.No 1 Pakistani Forum Community (http://www.MeraForum.Com/index.php)

- Great Urdu Poets&Poetry (http://www.MeraForum.Com/forumdisplay.php?f=76)

- - -:||:- John Elia -:||:- (http://www.MeraForum.Com/showthread.php?t=62141)

Re: -:||:- John Elia -:||:-

Thankx For Visiting Dreamooo, Afghani Laila and Rooz
Keep Visiting Guys
Thankx Ayaz For Making This Thread Sticky
And Thankx For Shairing A Beautiful Poem Life
Keep shairing

Re: -:||:- Bay-Maani By John Elia -:||:-

-:||:- Bay-Maani -:||:-

Hai meri zaat ik ziyaan ki dukaan
Mujh ko apna hisaab kya maaloom
Jab mujhay bhi nahi koi ehsaas
Tum ko mera azaab kya maaloom

Her kisi say bicher gaya hoon main
Kon dil mein mera malaal rakhay
Sheher-e-hasti ka ajnabi hoon main
Kon aakhir mera khayaal rakhay

Raayegaani hai zindagi meri
Main to khud mein bhi raayegaan hi gaya
Bay-gumaani si bay-gumaani hai
Mujh say to khud mera gumaan bhi gaya

Koi bhi mujh ko aasra na mila
Main bhatakta raha hoon shehron mein
Zindagi tishnagi ka deriyaa hai
Hai faqat gard dil ki lehron mein

Wasl k silsilay to kya ab to
Hijr k silsilay hein bay-maani
Koi rishta hi jab kisi say nahi
Dil k saaray gilay hein bay-maani

Roz-o-shab ab yunhi guzertay hein
Koi qisaa ho jaan-o-jaanaa ka
Kerb-e-bay-maajraai sehta hoon
Kuch to ho maajra dil-o-jaan ka

Her nafas hai kisi mufr ki talaash
Mujh ko apnay hisaar mein lay lo
Mera ab khud pay ikhtiyaar nahi
Tum mujhay ikhtiyaar mein lay lo

Meray ander bhi dil k derr waa hon
Yaani meray bhi koi maani hon.

Re: -:||:- Main Bhi Bohat Ajeeb Hoon By John Elia -:||:-

-:||:- Main Bhi Bohat Ajeeb Hoon -:||:-

Haal ye hai k khuwaahish-e-pursish-e-haal bhi nahi
Us ka khayaal bhi nahi apna khayaal bhi nahi

A shajar-e-hayat-e-shoq, aisi khizaan raseedgi !
Poshish-e-berg-o-gull to kya jism pay chaal bhi nahi

Mujh mein wo shakhs ho chukka jis ka koi hisaab tha
Sood hai kya, ziyaan hai kya, is ka sawaal bhi nahi

Mast hein apnay haal mein dil zad-gaan-o-dil-baraan
Sulah-o-salaam to kaja, behus-o-jadaal bhi nahi

Tu mera hosla to dekh, daad to day k ab mujhay
Shoq-e-kamaal bhi nahi, khouf-e-zawaal bhi nahi

Khaima-gaah-e-nigaah ko loot liya gaya hai kya ?
Aaj ufaq k dosh per gard ki shaal bhi nahi

Uffhhh ye fizaa-e-ehtiyaat, taa kaheen urr na jaayein hum
Baad-e-junoob bhi nahi, baad-e-shumaal bhi nahi

Wajha-e-muaash-e-bay-dilaan, yaas hai ab mager kahaan
Us k wurood ka gumaan, farz-e-muhaal bhi nahi

Ghaarat-e-roz-o-shab to dekh, waqt ka ye ghazab to dekh
Kal to nidhaal bhi tha main, aaj nidhaal bhi nahi

Meray zamaan-o-zaat ka hai ye muaamlaa k ab
Subh-e-firaaq bhi nahi, shaam-e-wisaal bhi nahi

Pehlay hamaaray zehan mein husun ki ik misaal thi
Ab to hamaaray zehan mein koi misaal bhi nahi

Main bhi bohat ajeeb hoon itna ajeeb hoon k bas
Khud ko tabaah ker liya or malaal bhi nahi.

Re: -:||:- jhon aliya -:||:-

thanks for adding his images warna hum ko ain ke barey mei nahi pata tha really.

Re: -:||:- jhon aliya -:||:-

Hazaron saal Nargis apni be-noori pe roti hai,
Badi mushkil se hota hai chaman mein didawar paida !!

Thanks for creating this useful & Inspiring Post about Mr. John Elia
http://www.urduwriters.com/wp-conten...3/Jon-Elia.jpg

Attention

(mujhe is baat par hairat aur sharm dono aati hain ki aap logon ko inka sahi naam bhi nahi pata hai aur na sahi spelling.. U have to know that the proper name has its dignity .. so please be respectful about proper names)

Re: -:||:- John Elia -:||:-

Thankx for Visiting This Thread Salman
And Thankx For Shairing A Beautiful Ghazal Of Jhon aliya
Keep Visiting And Shairing Too :)

Re: -:||:- jhon aliya -:||:-

Thnx 4 Sharing Bro
Aj 1st Time Inke Barey Me Parha Wese Naam Suna Hua Tha

Acha Laga Thnx..

Re: -:||:- jhon aliya -:||:-

Quote:

Originally Posted by owi (Post 1105212)

thankx for visiting this thread salman
and thankx for shairing a beautiful ghazal of jhon aliya
keep visiting and shairing too :)

Itna kahne ke baad bhi aap ne name sahi nahi likha
His name is
"John Elia"

(jo log sahi jaan kar bhi sahi nahi bante unko kya kahte hain??? U know it)

Re: -:||:- jhon aliya -:||:-

Tum haqeeqat nahi ho hasrat ho -- Juan Elia

tum haqeeqat nahi ho hasrat ho
jo miley Khuwab maiN voh daulat ho

tum ho Khushboo, ke Khuwab ki Khushboo
aur itney he bai_murawwat ho

tum ho pehloo maiN parr qarar nahi
yani aisa hai jaisey furqat ho

hai meri arzoo ke mere siva
tumhaiN sab shaieerooN se vehshat ho

kis tarah chood.r tumhaiN jaanaaN
tum meri zindagee ki adat ho

kis liye dekhtey ho aaina
tum to khud se bhi Khoobsoorat ho

dastaaN Khatam honey wali hai
tum meri aaKhri mohabbat ho