Ye Jo Zindagi Ki Kitaab Hay
Ye Kitaab Bhi Kya Kitaab hay

Kahin Ek Haseen Sa Khuwaab hay
Kahin Jaan leva Azaab Hay

Kahin Anso'on Ki Hay Daastan
Kahin Muskurahaton Ka Bayan Hay

Kai Chahray Is Main Chupe Howe
Ek Ajeeb Sa Ye Naqaab Hay

Kahin Kho Diya Kahin Paa Liya
Kahin Ro Diya Kahin Gaa Liye

Kahin Cheen Lete Hain Har Khushi
Kahin Meharban Be-Hisaab Hain

Kahin Chaaon Kahin Dhoop Hay
Kahin Or He Koi Roop Hay

Kahin Barkaton Ki Hain Barishain
Kahin Tishnagi Be Hisaab Hay

Ye Jo Zindagi Ki Kitaab Hay
Ye Kitaab Bhi Kya Kitaab Hay

Kyuon Mujhse Gurezaan Ho Mujhe Saaf Bata Do
Ager Juram Mohabbat Hay To Phir Uski Saza Do

Ab Dard Ki Shiddat Me Wo Tezi Nahe Baaqi
Laao Ab Khanjar Mujhy Ek Zakham Naya Do

Rakho Na Koi Baat Bhi Tum Dil Main Chupa Kar
Main Raah Ki Deewar Hun To Mujh Ko Gira Do

Is Dour Ka Mayar-e-Mohabbat Bhi Hay Doulat
Thukrao Magar Kuch Meri Qeemat He Laga Do

Tarso Na Kabhi Pyar Ko Meri Ye Dowa Hay
Ae Kaash.... Faqat Tum Bhi Mujhy Yahi Dowa Do

Thakki Thakki Si Aas Hai Yeah Dil Buhut Udass Hai
Koyi Tou Dard Raas Hai Yeah Dil Buhut UdassHai
Yeah Tou Hai yah Lauta Putaa Huwa Koii Khayal Hai
Koyi Tou Aass Pass Hai Yeah Dil Buhut Udass Hai
Nidhal yaun Huwe Ke...Sub Zarortin Hi Margayen
Na Bhook hai Na Pyass Hai Yeah Dil Buhut Udass Hai
Naa Janay Kis Khayal Say Bujha Bujha Haii Aaj Kal
Yahi Joo Tera Dass Hai Yeah Dil Buhut Udass Hai
Her Aik Aik Say Yahi....Pakar Kai Poochtay Rahay
Kahan Woh Gam Shanas Hai Yeah Dil Buhut Udass Hai
Kabhi Kabhi To Sochte Hai Bus Yahi Kahin Chalain...
yah Dil Buhut Udass Hai yah Dil Buhut Udass Hai
Ajab Tarhan Ke Waswasoon Mai Ghir Gai Hai Zindagi
Umeed Hai Naa Hi Aas Hai Yeah Dil Buhut Udass Hai
Naa Jaoo Jism Per Sajaye Huwee Haseeen Libass Per
Badan To Khush Libas Hai Yeah Dil Buhut Udass Hai

Main Rony Se Darta Hun
Juda Hone Se Darta Hun

Meri Aankhain Batati Hain
Ke Main Sone Se Darta Hun

Meri Ungli Pakar Lena
Mujhy Tanha Nahe Karna

Ye Duniya Ek Mela Hay
Tumhain Khone Se Darta Hun

Jab Hansta Hun To
Kyuon Palkon Ke Goshy Bheeg Jate Hain

Tumhain Maloom Hay Main
Is Tarhan Rony Se Darta Hun

Jab Se khuwaab Dekha Hay
Mujhy Tum Chor Jao Ge

Main Ab Khuwabon Se Darta Hun
Main Ab Sone Se Darta Hun

Na Jane Dhoondtay Ho Kya Meri Weeran Aankhon Mein,
Chupa Rakhay Hum Ne To Kai Toofaan Aankhon Mein

Kahaan Woh Shokhiyan Pehlay Si, Ab Kuch Bhi Nahin Baqi
Chalay Aaye Ho Tum Kya Khojnay In Be-jaan Aankhon Mein

Kisi Ka Haath Lekar Haath Mein Jab Tum Mile Hum Se To
Kaise Toot Ke Bikhra Tha Mera Maan Aankhon Mein

Na Samjho Chup Hain; To Tum Se Koi Shikwa Nahi Baqi
Hum Apne Dard Ki Nahi Rakhte Koi Pehchaan Aankhon Mein

Milay They Baad Muddat Ke Humain Tum Ajnabi Ban Kar
To Kaise Dard Na Uthta Meri Hairaan Aankhon Mein

Nahi Ab Phir Se Koi Raabta Rakhne Se Kuch Haasil
Ke Ab Dafna Diye Hum Ne Sabhi Armaan Aankhon Mein

Batao Dil Ki Baazi Mein Bhala Kya Baat Gehri Thi,
Kahan Yun Toh Sabhi Kuch Theek Tha Par Maat Gehri Thi,

Suno Barish, Kabhi Khud Se BHi Bhar Kar Koi Dekha Hai,
Jawab Aaya Un Aankhon Ki Magar Barsaat Gehri Thi,

Suno Tum Ne Holay Se Kaha Tha Kya, Batao Gay?
Jawab Aaya Kaha Toh Tha Magar Woh Baat Gehri Thi,

Diya Dil Ka Samander Usne Tumne Kya Kiya Uska?
Humein Bas Doob Jana Tha Keh Woh Soghaat Gehri Thi,

Wafa Ka dasht Kaisa Tha Batao Tum Pe Kya Beeti,
Bhatak Jana Hi Tha Hum Ko Wahan Par Raat Gehri Thi,

Tum Uskay Zikar Par Kyun Doobay Jatay Ho Khayalon Mein,
Rafaqat Aur Adawat Apni Uskay Saath Gehri Thi,

Nazar Aaya Tumhein Us Ajnabhi Mein Kya, Batao Gay?
Suno Qaatil Nighaon Ki Woh Zalim Ghaat Gehri Thi.........!!!!!

Mai admi ik aam sa
ik qissa natamam sa

na lehja baymisaal hai
na baat mai kuch kamal hai

Hon daikhnay mai aam sa
udassion ki shaam sa

jaisay ik RAAz hon
khud say BAYNIAZ hon

na mahjabeeno say rabt hai
na shohraton ka zabt hai

Ranjha na Qais hon
Insha, na IJAZ hon

Na paekar-e-ikhlas hon
na wafa, na dua, buss ik aass hon

Mai shakhs khud shanas hon
ik pyaas hon
Tum he karo ab faisla

mai admi ik aam hon
ya admi nakaam hon?

Sadiyuon Se Ek Sapna Hay
Kaho Pora Karo Ge Tum?

Bhool Jao Mere Siwa Sab Kuch
Kaho Aisa Karo Ge Tum?

Nahe Kuch Or Tamana Ab
Ke Bus Mere Ho Jao Tum

Kabhi Na Chor Ke Jao Ge
Kaho Aisa Karo Ge Tum?

Faqt Ek Shabd Sunne Ko
Kai Barson Main Tarsa Hun

Mujhse Apna Bana Lo Tum
Kaho Aisa Karo Ge Tum?

Itna hi yaad rakha mujhe
Jaise Kisi kitab main
Bite dinoon ke dost ka
Aik khat para huwa mile
Lafz mitay mitay se hoon
Rang Ura Ura sahi
Lekin woh ajnabi Na ho
Uth kar tere galay laghe
Bhole huwe tamam dukh
Guzre huwe tamam such
Beetay huwe dinoon ki sab katha
Tujh se kahe aur ro pare

Itna hi yaad rakha mujhe
Beetay dinoon ke dost ka
Jaisay ke koei khut hoon main
Rakha huwa kitab main...

kiyon chup k muhabbat kartey ho
sang chalney ka dum bhartey ho

jo shikwey gilain hain keh dalo
kiyon baat khulney sey dartey ho

usey bhol jao jo guzar gaya
kiyon khud sey itna lartey ho

usey bhi khud main shamil karlo
kiyon tanha aag main jaltey ho

bey fikr hojao ye jaan lo
k tum merey dil main bastey ho