Piyar kay deep jalanay walay

[pakeeza]

Piyar kay deep jalanay walay kuch kuch pagal hotay hain
apni jaan say janay walay kuch kuch pagal hotay hain
hijr kay gehray zakham milay to mujh ko yeh ehsas hua
pagal ko samjhanay walay kuch kuch pagal hotay hain
jaan say piyaray logoon say bhi kuch kuch pardah lazim hai
sari baat batanay walay kuch kuch pagal hotay hain
khaboon main bhi piya milan kay sapnay dekhtay rehtay hain
neendon main muskanay walay kuch kuch pagal hotay hain
is jhooti nagri main hum nay yehi hamesha dekha hai
sachi baat batanay walay kuch kuch pagal hotay hain
piyar jinhain ho jaey un ko chain bhala kab mil pata hai?


shab bhar ashk bahanay walay kuch kuch pagal hotay hain
apni zaat say ujray gulshan say woh piyar kahan kartay hain?
auroon ko mehkanay walay kuch kuch pagal hotay hain
us kay ishq main bheeg kay ‘wasiq’ hum ko yeh ehsas hua
dil ki baat main anay walay kuch kuch pagal hotay hain

[cutepoison]

beautiful lines ..

[pakeeza]

thnkuuuuuuuuuuuuuuu

[Prince7871]

so nice.....

[MASOOM GIRL]

us kay ishq main bheeg kay ‘wasiq’ hum ko yeh ehsas hua
dil ki baat main anay walay kuch kuch pagal hotay hain

Wahh ZabardasT..

[pakeeza]

thnkssssssssss Masooom siso.......

nd thnks to all

[life]

very nice....