پریشانی تے غم نال میں بَھریا بَھریا رہناں 

[ROSE]

پریشانی تے غم نال میں بَھریا بَھریا رہناں واں
مَیں اپنے ای گھر دے وِچ ڈریا ڈریا رہناں واں
مذہب نے تصویر وکھائی آخر دی جیہڑی مینُوں
ویکھ کے اوہنوں موت توں پہلاں مَریا مَریا رہناں واں
میں تے اپنی ہستی وِچ ڈُب گیا واں ورہیاں توں
فیر وی کئیاں اَکھیاں دے وِچ تَریا تَریا رہناں واں
اِکو جیہا سلوک ایہہ کردے جِتے تے ہارے نال
جِت کے وی بازی میں ہَریا ہَریا رہناں واں
ملِیا فتویٰ میرے ورگے جاون گے دوزخ وِچ
حالات نوں اپنان لئی میں سَڑیا سَڑیا رہناں واں
پا کے جھپی سُورج نال ہاڑ دے موسم وِچ
اندرو اندریں فیر وی میں ٹَھریا ٹَھریا رہناں واں

[(‘“*JiĢäR*”’)]

Very Nice

[SHAYAN]

Buht Khoob

[life]

nice sharing