View Full Version : -:||:- Ghazal Bahaana Karoon -:||:-
-:||:- Ghazal Bahaana Karoon -:||:-
Sheher-e-mohabbat, hijr ka mosam, ehad-e-wafa or main
Tu to is basti say khush khush chala gaya, or main ?
Tu jo na ho to jaisay sab ko chup lag jaati hai
Aapas mein kya baatein kertay raat, diya or main
Sair-e-chaman aadat thi pehlay ab mujboori hai
Teri talaash mein chal pertay hein baad-e-saba or main
Jis ko dekho teri hawaa mein paagal phirta hai
Werna hum-mushrib to nahi thay khalkh-e-khuda or main
Aik zamaanay baad FARAZ ye shair kahay main nay
Ik muddat say milay nahi hein yaar mera or main !
SHAYAN
09-10-2012, 10:12 PM
Zaberdast
M A H i
09-14-2012, 07:52 PM
NICE SHARING Owi but Tittle is Diffrent from Sharing isn't?
Thankx All
Bilkul sahi kaha Mahi
Ye tittle ghazal say alag hai
Or ye tittle is liye rakha gaya hai kiun k is mein mazeed ghazals add kernay ka iraada hai
Yaani aik taweel thread jis mein mukhtalif ghazals share hon gi !
-:||:- Ghazal Bahaana Karoon -:||:-
Zindagi shour say bharpoor mager sannaata
Jaisay dherkan ki aawaazon say udher sannaata
Kitni dil-kash hai meri wehum-ba-kuf tunhaai
Jaisay hungaama-e-hasti ka huner sannaata
Meri ghazlon ko jo perkho to talaatum in mein
Hurf-der-hurf mager dasht baser sannaata
Ab to manzil say mujhay koi sir-o-kaar nahi
Bhaa gaya mujh ko sir-e-raah-guzer sannaata
Yaad k sehra mein phir hijr baser ki main nay
Manzil-e-ishq kajaa, rakht-e-safer sannaata
Main bhanwar ban k uter jaoon ga dil mein kehna
Jis terhan kerta hai terweej-e-huner sannaata
Jaanay kab say hoon main ik khoukla insaan ShihaaB
Bass gaya mujh mein tab hi raat bader sannaata !
-:||:- Ghazal Bahaana Karoon -:||:-
Zindagi jaisay guzerti hai guzer jaanay day
Derd ko ghum k samander mein uter jaanay day
Tor laaoon ga sitaaray bhi falak say aik din
Ik zara zulf muqaddar ki sanwer jaanay day
Kasrat-e-may say madaawaa-e-alam kya keejiye
Baat mumkin hai haqeeqat ho mager jaanay day
Taa-ba-k yun hi adhoora rahay jeewan mera
Mera ho jaa yaa mujhay jaan say guzer jaanay day
Meri aankhon mein ashkon ka samander hai gull
Haan mager saber ka paymaana to bher jaanay day
Teray derr per hi guzer jaaye shab-e-ghum behter
Kon kehta hai mujhay lout k ghar jaanay day
Log kehtay hein duaaon mein asar hota hai
Main nay ker dekhi hein ik umer ShihaaB mager jaanay day !
-:||:- Ghazal Bahaana Karoon -:||:-
Zer-e-hayaat lutaaoon ga chala jaaoon ga
Main apnay zakham sajaaoon ga chala jaaoon ga
Alam uthaaye furaat-e-sukhan pay pohancha hoon
Main baazoo apnay kataaoon ga chala jaaoon ga
Bas itni dair ko rukna hai raah-e-ulfat mein
Zameen pay ashk giraaoon ga chala jaaoon ga
Wafa k dasht mein thehroon ga saans laynay ko
Phir apni laash uthaaoon ga Chala jaaoon ga
Libaas-e-ghum ko pehen ker jahaan mein aaya hoon
Kafan ka rizq kamaaoon ga chala jaaoon ga !
-:||:- Ghazal Bahaana Karoon -:||:-
Zameen pay paoon hein or aasmaan pay sir mera
Ye kaainaat nahi ban saki hai ghar mera
Main nangay paaoon bohat dair ghoomta raha hoon
Tumhaaray sheher ki mitti mein hai asar mera
Tum apnay jism k ik konay mein paray rehtay
Hua na hota ager is taraf guzar mera
Jo eent ubhri thi deewaar say zara baahir
Lahoo-lahaan kiya hai us hi nay sir mera
Glass paani ka main bhar k saath rakhta hoon
Yehi to hai jo ta'arruf hai mukhtasir mera
Chiraagh mujh mein hai yaa main chiraagh mein hoon ShihaaB
Laga hua hai tamaasha idher udher mera !
-:||:- Ghazal Bahaana Karoon -:||:-
Abhi sooraj nahi dooba zara si shaam honay do
Main khud hi lout jaaoon ga mujhay naa-kaam honay do
Mujhay bad-naam kernay k bahaanay dhoondtay ho kiun ?
Main khud ho jaaoon ga bad-naam pehlay naam honay do
Abhi mujh ko nahi kerna hai aitayraaf-e-shikast
Main sab tasleem ker loon ga ye cherchaa aam honay do
Meri hasti nahi anmol phir bhi bik nahi sakta
Wafaayein baich layna per zara neelaam honay do
Naye aaghaaz mein hi hosla kiun tor bethay ho
Jeet jaao gay tum sab kuch zara anjaam honay do !
M A H i
10-10-2012, 05:41 PM
Tor laaoon ga sitaaray bhi falak say aik din
Ik zara zulf muqaddar ki sanwer jaanay day
Chiraagh mujh mein hai yaa main chiraagh mein hoon ShihaaB
Laga hua hai tamaasha idher udher mera !
Abhi sooraj nahi dooba zara si shaam honay do
Main khud hi lout jaaoon ga mujhay naa-kaam honay do
Very Nice Thread Owi,
All Shairy sharing is Beautiful
keep posting New poetries
-:||:- Ghazal Bahaana Karoon -:||:-
Bikhray bikhray rehtay ho
Kya kya sehtay rehtay ho
Tum ko jaanay kya ghum hai
Her dam hanstay rehtay ho
Rasta hai na manzil hai
Phir bhi chaltay rehtay ho
Jee uthnay ki koshish mein
Akser mertay rehtay ho
Taanay bikhray khuwaabon k
Ab tak buntay rehtay ho
Apni baaton per khud hi
Uljhay uljhay rehtay ho
ShihaaB jee is duniya say
Tum bhi dertay rehtay ho !
Aik aik post ko ghour say perhnay
Or us ko pasand kernay k liye
Aap ka bay-had shukriya Mahi !
-:||:- Ghazal Bahaana Karoon -:||:-
( 1 )
Ghar chor aaye gaaon k rastay bhula diye
Us ki talab nay paaoon bhi pagal bana diye
Poochi thi apnay yaar ki main nay koi pasand
Aahistagi say raat nay mujh say kaha, diye
Berkhaa k shaamiyaanay say baahar nadi k paas
Us nay hein apni dhoop say perday utha diye
Keh do shab-e-siyaah say lay aaye kaalakein
Haathon pay rakh k nikli hai khalq-e-khuda diye
Hum nay jala liya hai dilon k chiraagh ko
Kitnay bujha sakay gi zameen per hawa diye
Ik shour sa bapa hai maraasim ka sheher mein
Us nay nadi k dono kinaaray mila diye
Baalon mein meray phair k kuch dair ungliyaan
Kuch naqsh dil ki rait per us nay bana diye
Us k kamaal-e-zabt ki ShihaaB khair ho
Kaisay tamaam wasl k lamhay bhula diye !
-:||:- Ghazal Bahaana Karoon -:||:-
( 2 )
Bheega her aik lafz jo aansoo baha diye
Main nay kitaab-e-zeest k purzay uraa diye
Kaisa ajab dhuwaan ye nawaaon say hai uttha
Kis k labon nay meray naghmay jala diye
Shikway gilay sab aaj teray muntazir rahay
Tu nay sunay to sun k hansi mein uraa diye
Us nay kamaal-e-shoq say dekha meri taraf
Main nay to aaino k sab hi fun jala diye
Din ka sukoon raat ki neendein jab urr gaeen
Umer-e-rawaan nay hijr k lamhay bhula diye
Taqdeer ka ye khail nahi, hai adaa teri
Ujray huway naseeb jo mujh ko thama diye !
-:||:- Ghazal Bahaana Karoon -:||:-
( 3 )
Jis nay hamaari saans pay pehray bitha diye
Hum nay us hi ko piyaar k naghmay suna diye
Basti mein aik ghar tha shareekon k naam ka
Dushman nay dushmani mein sab hi ghar jala diye
Kis nay chura liya hai falak ka dharakta dil
Or kis nay aasmaan say taaray gira diye
Un mein say aik taalib-e-khairaat main bhi tha
Dehleez say faqeer jo tu nay uthaa diye
Main khaak ishq khailta is khaar-zaar mein
Us nay tahaffuzaat hi pehlay bata diye
Us nay bhi hum ko aankh say aakhir gira diya
Hum nay bhi apni aankh say aansoo gira diye
Ik wo k jis k ghar mein sitaaray uter gaye
Ik main tamaam raat banaata raha diye
Main merr gaya to dasht bhi roye ga dekhna
Ik roz khud jalaaye gi aa ker hawa diye
Aai hai mout bhaag k jaaoon kidher ko main
Aasaab us nay saaray k saaray thaka diye
Hum ko hamaari raat ki tareekiyaan aziz
Lay jaa kaheen pay or yahaan say utha diye
Matt poochiye hamaaray muhaafiz ki doston
Hum ko tunha dekh ker nashter chala diye
Dekhi jo aik laash parinday ki taar per
Main nay bhi shaakh-e-dil say parinday ura diye !
-:||:- Ghazal Bahaana Karoon -:||:-
( 4 )
Kitnay baras firaaq k yun hi ganwa diye
Umer-e-rawaan ki taiz nadi mein baha diye
Phoolon say mukuraatay huway pur-gudaaz log
Kis terhan aik derd nay patther bana diye
Us nay bhi rakh diya yun hi lamhon ko taaq per
Main nay bhi kuch nuqoosh banaaye mita diye
Kuch zakham zakham shaam nay gohna diye khayaal
Kuch burf-zaar lahjon nay aansoo jala diye
Pairon pay sir-saraati hui chaandni k paas
Dil nay kisi ki yaad k manzer bicha diye !
-:||:- Ghazal Bahaana Karoon -:||:-
( 5 )
Kya kya ni'amm na tu nay a baar-e-khuda diye
Shoq-e-badee-e-kaar mein hum nay ganwa diye
Hum nay to mannaton k bhi dhaagay berha diye
Jaa, ishq k mazaar pay ab tu cherha diye
bazaar-e-shaam per na hui hashar tak seher
Shamsun-nihaar nok-e-sinaa per saja diye
Her soo faqat hawas ki dukaanein theen khul rahi
Yaaron nay karobaar-e-mohabbat berha diye
Hum nay udoo k saamnay khud ko kaha tera
Us nay hamaaray saamnay guthnay tika diye !
-:||:- Ghazal Bahaana Karoon -:||:-
( 6 )
Yun zindagi k maani kisi nay bata diye
Num rait pey do hurf likhay or mita diye
Dushman say haar jeet ka kerna tha faisla
To waapsi k hum nay sab hi pull jala diye
Tujhay bakhsh yaa na bakhsh tujhay ikhtiyaar hai
Guzrein gay teray derr say na hum bin sada diye
Kaisay kahoon k kitna wo khul ker mila hai aaj
Sherm-o-haya k saaray kabooter ura diye
ShihaaB un say koi shikaayat nahi rahi
Aankhein mileen to dheeray say wo muskura diye !
-:||:- Ghazal Bahaana Karoon -:||:-
( 7 )
Tajdeed-e-ishq-e-yaar nay ghunchay khila diye
Shoq-e-rafoo nay zakham naye or laga diye
Subha-e-tarab k naam pay naaray laga k phir
Us nay chiraagh sheher k saaray bujha diye
Dash-e-wafa mein dekh, kahaan say kahaan talak
Shoq-e-safar nay paaoon k chaalay berha diye
Manzil ki justujoo gai, zaad-e-safar gaya
Gard-e-safar nay raastay ghar k bhula diye
ShihaaB bayaaz-e-derd say kuch shair to suna
Muddat hui hai zakham-e-wafa ko hawa diye !
-:||:- Ghazal Bahaana Karoon -:||:-
( 8 )
Jab doston nay zakham mujhay jaa-ba-jaa diye
Main nay kitaab-e-zeest k purzay ura diye
Roshan huway chiraagh teri yaa k jun-hi
Aankhon mein aks derd k sab jhilmila diye
Tha waqt-e-imtayhaan ye dono k waastay
Tum nay hawa k darr say diye kiun bujha diye
Hum nau gulaab rakhay thay raahon mein yaad ker
Tum nay hamaari raah mein kaantay bicha diye
Ehwaal mera poochnay shab chaand aa gaya
Main nay idher udher k fasaanay suna diye
Ik zal-zalah jo rooh k ander guzer gaya
Us nay sutoon-e-dil meray saaray hila diye
Hum nay kiya piyaar ka jab tazkirah kabhi
Jaanay wo muun hi muun mein kya bar-bara diye
Lagti hai hum ko piyaari teri laaj baa-khuda
baanhon mein aaye bhi nahi or kas-masa diye
Hum nay kahay hein shair bhi phir hoslay k saath
Kaandhay tum nay piyaar say jab thap-thapa diye !
-:||:- Ghazal Bahaana Karoon -:||:-
( 9 )
Baad-e-samoom nay mujhay tohfay ye kya diye
Jaltay huway diye meray us nay bujha diye
Jis k liye main likhta wohi jab nahi raha
Main nay kitaab-e-zeest k purzay ura diye
Yaadon k wo nuqoosh mujhay thay bohat aziz
Hurf-e-ghalat samhaj k jo us nay mita diye
Main dekhta hi reh gaya or kuch na ker saka
Jhunjulaa k saaray khat meray us nay jala diye
Us ka amal ye mujh ko laga sakht na-gawaar
Ehsaan ker k us nay mujhay jab jata diye
Main jo samhaj raha tha wo tha us say mukhtalif
Perday meri nigaah k us nay utha diye
Zindah tha jab to us nay meri qadar kuch na ki
ShihaaB guldastay us nay meri qabar per saja diye !
-:||:- Ghazal Bahaana Karoon -:||:-
( 10 )
Us nay niyaaz-o-naaz k jalway dikha diye
Main nay kitaab-e-zeest k purzay ura diye
Us ki nigaah-e-naaz ka aisa hua asar
Main nay jo zindagi k sabaq thay bhula diye
Her her qadam pay gir k sambhalta chala gaya
Jeenay k us nay mujh ko saleeqay sikha diye
Us k tasaw'wuraat mein main aisa kho gaya
Weham-o-gumaan k jitnay thay perday hata diye
Taqdeer nay diya meri tadbeer ka wo saath
Bigray jo kaam meray thay us nay bana diye
Main nay unhein bata diya ShihaaB hai mera naam
Sun ker unhon nay apnay diye sab bujha diye !
-:||:- Ghazal Bahaana Karoon -:||:-
( 11 )
Pehlay to apni umer k lamhay ganwa diye
Phir ye sitam samhajnay mein zamaanay laga diye
Hum ko wafoor-e-shoq k kuch tajurbaat nay
Aadaab-e-zeest, paas-e-wafa sab sikha diye
Andaazah khoob hai hamein raah-e-sha'oor ka
Kuch ghum nahi diye jo kisi nay bujha diye
Kaisay guzaari kis terhan guzri kuch na poochiye
Jeenay ki aik rasm thi jee ker dikha diye
Aahein bhi theen labon k tabassum k aas paas
Dil muzmahil jo ho gaya lab muskura diye
Hum ko jawaab apnay sawaalaat ka mila
Laykin naye sawaal bhi us nay utha diye
Kuch hurf mit gaye thay ye such hai mager ye kya
Safhay kitaab-e-zeest k saaray jala diye ?
Deriya dili ka un ki koi ziker kya karay
Qatray ka tha sawaal samander baha diye
Ab muntazir hein hum haram-e-bay-shumaar k
Ghum bhi to daynay waalay nay bay-intayha diye
ShihaaB saleeqa aa gaya tarz-e-hayaat ka
Khouf-e-fana nay khoob ye ders-e-baqa diye !
-:||:- Ghazal Bahaana Karoon -:||:-
( 12 )
Main to jala k raah mein rakhta raha diye
Guzra her aik shakh bana raasta diye
Ik baar to hawa nay jalaaye yahaan chiraagh
Ik baar phir chiraagh hawa nay bujha diye
Dekho ye saaray piyaar mohabbat k roop hein
Chanda, chiraagh, dhoop, shajar, ghounsla diye
Andha tamaam umer mohabbat k naam per
Oulaad ko jala k dikhaata raha diye
Ik baar main nay yaar say poocha jo haal-e-dil
Us nay zara sa hans k sitaaray gira diye
Zindah rahay to umer mohabbat mein kaat di
Mout aai to hawa mein parinday ura diye !
-:||:- Ghazal Bahaana Karoon -:||:-
( 13 )
Us jaan-e-jaan say aik ta'alluq k naam per
Kuch khat hi reh gaye thay so wo bhi jala diye
Hum aik dil hi tor k pachtaaye umer bhar
Shaahon nay bastiyon k bhi naqshay mita diye
Dil k shajar pay yaar k teekhay nuqoosh k
Bethay thay jo parind wo kis nay ura diye
Kuch raftgaan k zerd hawaalon ki khair ho
Daanista hum nay waaqiye kitnay bula diye
Mashoor tha jo aahaniaasaab k liye
Hayraan hoon aaj us nay bhi aansoo baha diye
Phir muntakhib kiya hai lutairon ka raahbar
Logon nay intaykhaab k johar dikha diye
Us yaar k diye huway misray ki mouj mein
Hum nay bhi logon shair chandd gun-guna diye
Mujboor thay usool k haathon kuch is terhan
ShihaaB hum nay dost bohat say ganwa diye !
-:||:- Ghazal Bahaana Karoon -:||:-
( 14 )
Hum sir-phiron say jeet na paaye gi a hawa
Hai tujh mein hosla to idher aa, bujha diye
Aayein huzor aayein kabhi paas bhi to aayein
Ye kya k sirf dekh liya muskura diye
Main to samhaj raha tha jalein gay tamaam raat
Laykin rahay hein saath kabhi bay-wafa diye
Taareekiyon ka us say gila hi ghalat kiya
Us nay to meray sheher k sab ghar jala diye
Roshan thi jis say bazm wo uth ker chala gaya
Phir us k baad paas meray kya bacha, diye
ShihaaB nisaab-e-jaan k waraq jab bikher gaye
Main nay kitaab-e-zeest k purzay ura diye !
-:||:- Ghazal Bahaana Karoon -:||:-
( 15 )
Us nay jo narkh apni wafa k berha diye
Paymaan-e-ishq hum nay bhi apnay bhula diye
Daar-o-rasan ki nazer kiye hum nay chaarah-gerr
Kitnay azeem log thay hum nay ganwa diye
haasil hua na in ki rawaani say kuch hamein
Hum nay samandaron mein hi deriya baha diye
Aanch aa rahi thi in say tumhaaray wisaal ki
Aankhon nay aaino k parakhchay ura diye
Tasweer-e-yaar hum nay jala di to kya hua ?
Dil nay to us k buth bhi bana ker saja diye
Lab-basta hum jo thay to rahay hum pay taana-zann
Hum nay jo kuch kaha, to fasaanay bana diye
Un say kaheen na serd hui jab jigar ki aag
Angaaray jo bachay thay, hum hi ko thama diye
Go hein kharaab-o-khasta, zamaanay ! na hum ko chair
Hum hein wohi, jinho nay safeenay jala diye
Go is k aagay jall na saka hai koi chiraagh
Toofaan k khilaaf tu apnay jala diye
Soojha na ehal-e-bazm ko tareekiyon mein kuch
Shab bhar jalay hein bazm mein meray siwa diye
Ashk-e-rawaan ki sail pay qaaboo na aa saka
Jo band, zabt-e-ghum k thay hum nay wo dha diye
Saamaan kya mila hai bata is makaan say ?
Kuch khuwaab, zerd phool, kitaab-e-wafa diye
Meri zara si bhool ko Laghzish bana diya
Yun mera ghar jala k tujhay kya mila diye ?
Asbaab kya liya hai andhayron k waastay
Main nay sawaal poocha to us nay kaha diye
Mujh ko bujha gai theen zamaanay ki aandhiyaan
Tujh per hawa ka haath tha, tu kiun bujha diye ?
Shaam-e-wisaal aai to mehekti hawaaon nay
Shaakhon say phool lay k zameen per bicha diye
Tu bhi aseer-e-ishq hai itni si baat ko
Tu nay quboolnay mein zamaanay mein laga diye
Ghabra gaya tha dekh k apni nigaarishein
Main nay kitaab-e-zeest k purzay ura diye !
Miss Habib
11-06-2012, 12:49 PM
Log kehtay hein duaaon mein asar hota hai
Main nay ker dekhi hein ik umer ShihaaB mager jaanay day !
Libaas-e-ghum ko pehen ker jahaan mein aaya hoon
Kafan ka rizq kamaaoon ga chala jaaoon ga !
Tum apnay jism k ik konay mein paray rehtay
Hua na hota ager is taraf guzar mera
Jo eent ubhri thi deewaar say zara baahir
Lahoo-lahaan kiya hai us hi nay sir mera
Abhi sooraj nahi dooba zara si shaam honay do
Main khud hi lout jaaoon ga mujhay naa-kaam honay do
Us nay kamaal-e-shoq say dekha meri taraf
Main nay to aaino k sab hi fun jala diye
Matt poochiye hamaaray muhaafiz ki doston
Hum ko tunha dekh ker nashter chala diye
Her soo faqat hawas ki dukaanein theen khul rahi
Yaaron nay karobaar-e-mohabbat berha diye
Dushman say haar jeet ka kerna tha faisla
To waapsi k hum nay sab hi pull jala diye
Jab doston nay zakham mujhay jaa-ba-jaa diye
Main nay kitaab-e-zeest k purzay ura diye
Main jo samhaj raha tha wo tha us say mukhtalif
Perday meri nigaah k us nay utha diye
Kaisay guzaari kis terhan guzri kuch na poochiye
Jeenay ki aik rasm thi jee ker dikha diye
Mujboor thay usool k haathon kuch is terhan
ShihaaB hum nay dost bohat say ganwa diye !
Ghabra gaya tha dekh k apni nigaarishein
Main nay kitaab-e-zeest k purzay ura diye !
bohat hi khoobsurat ghazlein
asia laga jaise ik hi ghazal k sab ashaar hain
zabardst Owi
thanks for beautiful sharing
Miss Habib
11-06-2012, 12:49 PM
-:||:- Ghazal Bahaana Karoon -:||:-
Bikhray bikhray rehtay ho
Kya kya sehtay rehtay ho
Tum ko jaanay kya ghum hai
Her dam hanstay rehtay ho
Rasta hai na manzil hai
Phir bhi chaltay rehtay ho
Jee uthnay ki koshish mein
Akser mertay rehtay ho
Taanay bikhray khuwaabon k
Ab tak buntay rehtay ho
Apni baaton per khud hi
Uljhay uljhay rehtay ho
ShihaaB jee is duniya say
Tum bhi dertay rehtay ho !
wah lajawab
(‘“*JiĢäR*”’)
11-06-2012, 12:53 PM
Greattttttttt Thread
Jitne Bhi Alfaaz Tareef Mein Bayan Karon Kam Hain
:bu: :good: :khob:
Kuch To Bohat Hi Pasand Aye
:dilll:
Tu jo na ho to jaisay sab ko chup lag jaati hai
Aapas mein kya baatein kertay raat, diya or main
:dilll:
Meri ghazlon ko jo perkho to talaatum in mein
Hurf-der-hurf mager dasht baser sannaata
:dilll:
Main bhanwar ban k uter jaoon ga dil mein kehna
Jis terhan kerta hai terweej-e-huner sannaata
:dilll:
Tor laaoon ga sitaaray bhi falak say aik din
Ik zara zulf muqaddar ki sanwer jaanay day
:dilll:
Wafa k dasht mein thehroon ga saans laynay ko
Phir apni laash uthaaoon ga Chala jaaoon ga
:dilll:
Chiraagh mujh mein hai yaa main chiraagh mein hoon ShihaaB
Laga hua hai tamaasha idher udher mera !
:dilll:
Naye aaghaaz mein hi hosla kiun tor bethay ho
Jeet jaao gay tum sab kuch zara anjaam honay do !
:dilll:
um ko jaanay kya ghum hai
Her dam hanstay rehtay ho
:dilll:
Baalon mein meray phair k kuch dair ungliyaan
Kuch naqsh dil ki rait per us nay bana diye
:dilll:
Us nay kamaal-e-shoq say dekha meri taraf
Main nay to aaino k sab hi fun jala diye
:dilll:
Aai hai mout bhaag k jaaoon kidher ko main
Aasaab us nay saaray k saaray thaka diye
:dilll:
Pairon pay sir-saraati hui chaandni k paas
Dil nay kisi ki yaad k manzer bicha diye !
:dilll:
Hum nay to mannaton k bhi dhaagay berha diye
Jaa, ishq k mazaar pay ab tu cherha diye
:dilll:
Kaisay kahoon k kitna wo khul ker mila hai aaj
Sherm-o-haya k saaray kabooter ura diye
:dilll:
Dash-e-wafa mein dekh, kahaan say kahaan talak
Shoq-e-safar nay paaoon k chaalay berha diye
:dilll:
Hum nay kahay hein shair bhi phir hoslay k saath
Kaandhay tum nay piyaar say jab thap-thapa diye !
:dilll:
Jis k liye main likhta wohi jab nahi raha
Main nay kitaab-e-zeest k purzay ura diye
:dilll:
Her her qadam pay gir k sambhalta chala gaya
Jeenay k us nay mujh ko saleeqay sikha diye
:dilll:
Ab muntazir hein hum haram-e-bay-shumaar k
Ghum bhi to daynay waalay nay bay-intayha diye
:dilll:
Ik baar main nay yaar say poocha jo haal-e-dil
Us nay zara sa hans k sitaaray gira diye
:dilll:
Us yaar k diye huway misray ki mouj mein
Hum nay bhi logon shair chandd gun-guna diye
:dilll:
Main to samhaj raha tha jalein gay tamaam raat
Laykin rahay hein saath kabhi bay-wafa diye
:dilll:
Un say kaheen na serd hui jab jigar ki aag
Angaaray jo bachay thay, hum hi ko thama diye
:dilll:.
:good:
Thanks 4 Sharing
Thank You Miss Habib
And Thankx Jigar
M A H i
11-15-2012, 07:57 PM
Baalon mein meray phair k kuch dair ungliyaan
Kuch naqsh dil ki rait per us nay bana diye
Us k kamaal-e-zabt ki ShihaaB khair ho
Kaisay tamaam wasl k lamhay bhula diye !
Us nay bhi rakh diya yun hi lamhon ko taaq per
Main nay bhi kuch nuqoosh banaaye mita diye
Tajdeed-e-ishq-e-yaar nay ghunchay khila diye
Shoq-e-rafoo nay zakham naye or laga diye
.
.
.
.
.
.
.
.
.
.
.
.
ShihaaB bayaaz-e-derd say kuch shair to suna
Muddat hui hai zakham-e-wafa ko hawa diye !
Jis nay hamaari saans pay pehray bitha diye
Hum nay us hi ko piyaar k naghmay suna diye
say kaheen na serd hui jab jigar ki aag
Angaaray jo bachay thay, hum hi ko thama diye
:bu:
Thanks For Sharing Your Awesome Collection
Keep Updating . . .
-:||:- Ghazal Bahaana Karoon -:||:-
To ye deewaangi kuch bhi nahi kya
Mohabbat waaqai kuch bhi nahi kya
Chalo maana k tum jee rahay ho
Mager aamaadgi kuch bhi nahi kya
Ye hum jo cheekhtay phirtay hein din bhar
Ye such ye aagahi kuch bhi nahi kya
Ye tu nay kya kaha ik baar phir keh
Khumaar-e-khud-sari kuch bhi nahi kya
Theher ker soch tu kya keh raha hai
Shihaab us ki gali kuch bhi nahi kya !
Miss Habib
12-05-2012, 11:23 AM
Ye hum jo cheekhtay phirtay hein din bhar
Ye such ye aagahi kuch bhi nahi kya
bohat khoobsurat owi
Saraabi
07-16-2014, 01:52 AM
khobsorat thread n nice collection ....
Great (Y)
Copyright ©2008
Powered by vBulletin Copyright ©2000 - 2009, Jelsoft Enterprises Ltd.