روگ

[life]

​
جِندڑی نُوں روگ لا کے لوک مُک جاندے نیں
ڈالی اُتے جِیویں سوھنے پُھل سُک جاندے نیں

ناگ ھِجر دا ھر ویلے دِل نُوں ڈنگدا
ویلا تے جُدائ والا لنگایا نئیں لنگدا
وَچھوڑے دے پل وِی رُک رُک جاندے نیں
ڈالی اُتے جِیویں سوھنے پُھل سُک جاندے نیں

رنگ گُوڑے پیار دے چَڑھ کے نئیں لَہیندے
دل دِیاں گَلاں تَے چنّاں کِسے نُوں نئیں کَہیندے
پیار جَے سچا ھَووے تَے امبر جُھک جاندے نیں
ڈالی اُتے جِیویں سوھنے پُھل سُک جاںدے نیں

اَکھاں کولوں دُور سئ پر دِل کولوں دُور نئیں
پُھل جاواں تیںوں میں ’شاز’اینی مجبور نئیں
رُوحاں مل جاندیاں مٹی دے تن مُک جاندے نیں
ڈالی اُتے جِیویں سوھنے پُھل سُک جاندے نی

جِندڑی نُوں روگ لا کے لوک مُک جاندے نیں
ڈالی اُتے جِیویں سوھنے پُھل سُک جاندے نیں

[SHAYAN]

Buht Khoob

[life]

thanks....

[~~KING~~]

very nice...........:bu: