Main Faqeer-e-Ishq Bani Rahi

[M A H i]

http://img576.imageshack.us/img576/1552/shaam.jpg (http://imageshack.us/photo/my-images/576/shaam.jpg/)

Main tumharay aks ki aarzoo
Mein bass aayina hi bani rahi
Kabhi tum na samnay aa sakay,
Kabhi mujh pay gard pari rahi


Woh ajeeb shaam thi,aaj tak
Meray dil mein uss ka malal hai
Meri tarah jo teri muntazir,
Teray rastay mein khari rahi


Kabhi waqf-e-hijr main ho gaei,
kabhi khwab-e-wasl mein kho gaei
Main faqeer-e-ishq bani rahi,
Main aseer-e-yaad huwi rahi


Bari khamshi say sarak kay
Phir meray dil kay gird lipat gaei
Woh rida-e-abr-e-sfed jo
Sar-e-kohsar tani rahi


Huwi uss say jab meri baat bhi,
Thi shareek-e-dard woh zaat bhi
To na janay kon si cheez ki
Meri zindgi mein kami rahi

[MASOOM GIRL]

nIce.....

[Kiran Muzammil]

buhut hi khoob

keep sharing