-:||:- KhouJ -:||:-

[Owi]

-:||:- KhouJ -:||:-

Main kaainaat ki in wus’aton mein qaid hoon
Main aasmaan k takabbur pay bhi hayraan sa hoon
Mujhay us takhleeq-kaar ki talaash hai jo
Raat ko din ki hathayli pay rakh k betha hai
Mujhay us khoobsoorat koozah-gerr say milna hai
Jis k koozay dharaktay saans laytay hein
Main din ki chingaariyaan liye aankhon mein
Usay dhoondta phirta hoon sehra sehra
Raat bhar oonghtay chiraaghon ko uksaata rehta hoon
Shab k bay-intayhaa sannaatay mein
Us ki khaamoshiyon ki chaap suntan hoon
Per wo khaamoshiyaan pall bhar bhi nahi goonjeen kabhi

KHUDA HAI K NAHI ?

Agar hai to kahaan hai, agar nahi to phir kaisay
Ye chaand, taaray, aaftaab, aasmaan-o-zameen ?
Meri bujhti hui aankhon ka na ho dhoka kaheen
Koi khaaliq is kaainaat ka hai bhi ya nahi
Main usay dekhna chaahta hoon us say milna chaahta hoon
Main apni khouj liye derr-ba-derr bhatakta hoon
Meray wujood ko koi to maani day day
A KHUDA aik ishaarah to bas dikha day mujhay
Aik bigray huway koozay ki fariyaad hai ye
Main kis k haathon bana hoon tu ye bata day mujhay ? !

[M A H i]

hmm......

[Owi]

Thank You Mahi