Owi
04-02-2012, 07:32 PM
-:||:- Muqaddas ungliyaaN -:||:-
Main ik adnaa sa shaa’ir
Jo sadiyon say is zoam mein gum tha
K lafz meri ungliyaan chootay hi jeetay hein
Mera her derd peetay hein meray zakhmon ko seetay hein
Raat din meray qaidi hein
Chaand taaray muqaiyad hein
Meri sochon talay bersaat ki boondein barasti hein
Meray ik bosa-e-lab ko ye hawaayein tarasti hein
Saari ki saari kaainaat hai ghulaam meri
Mager jab is qalam say main utertay lafz suntan hoon
K jin lafzon ki ragon mein teri saansein tarapti hein
Jo teray zehen k aakaash say aisay utertay hein
K jaisay paighamber-e-deen per koi aayat uterti ho kisi ilhaam ki soorat
Jaisay phir koi kitaab-e-muqaddas si naazil ho
Mujhay her hurf tera hurf-e-kalaam-e-paak lagta hai
Teray aagay wujood apna bhi mujh ko khaak lagta hai
A meri paighamber-e-azeem
A maseeha meri
Zara ik baar mujhay apni nerm ungliyon say tu choo lay
Main teri nass nass mein behna chaahta hoon
Teri ungliyon say uterna chaahta hoon
Main aayat banna chaahta hoon
Chaahay bay-maani si !
Main ik adnaa sa shaa’ir
Jo sadiyon say is zoam mein gum tha
K lafz meri ungliyaan chootay hi jeetay hein
Mera her derd peetay hein meray zakhmon ko seetay hein
Raat din meray qaidi hein
Chaand taaray muqaiyad hein
Meri sochon talay bersaat ki boondein barasti hein
Meray ik bosa-e-lab ko ye hawaayein tarasti hein
Saari ki saari kaainaat hai ghulaam meri
Mager jab is qalam say main utertay lafz suntan hoon
K jin lafzon ki ragon mein teri saansein tarapti hein
Jo teray zehen k aakaash say aisay utertay hein
K jaisay paighamber-e-deen per koi aayat uterti ho kisi ilhaam ki soorat
Jaisay phir koi kitaab-e-muqaddas si naazil ho
Mujhay her hurf tera hurf-e-kalaam-e-paak lagta hai
Teray aagay wujood apna bhi mujh ko khaak lagta hai
A meri paighamber-e-azeem
A maseeha meri
Zara ik baar mujhay apni nerm ungliyon say tu choo lay
Main teri nass nass mein behna chaahta hoon
Teri ungliyon say uterna chaahta hoon
Main aayat banna chaahta hoon
Chaahay bay-maani si !