My Fav.

[Jhuki Palkein]

- Not Mine -

Bande Hi Mile Sab, Kisi Mein Bandagi Nahi Mili!

Dhoondte Rahe Umra Bhar, Manzil Nahi Mili.
Charaghon Ki Sarparasti Mein, Raushni Nahi Mili.
Tera Har Zulm Sar Ankhon Par Utha Lete,
Manga Bohat Khuda Se, Magar Zindagi Nahi Mili.

Muddat Taq Tere Shehar Mein Dhoondte Rahe Hum,
Bande Hi Mile Sab, Kisi Mein Bandagi Nahi Mili!

Umra Bhar Apne Be-Gunah Hone Ki Saza Kaati Humne,
Gunha Hoga Jo Mustaqbil Ko Maazi Ki Haqeeqat Nahi Mili.

Gali Ke Har Nukkad Par Maine Maa-Baap Ki Laash Dekhi,
Shayad Kisi Bete Ko Daulat-A-Wasihat Nahi Mili.

Kab Taq Khush Bahali Ki Baatein Karke Tassalli Doge,
Aaj Bhi Mere Desh Mein Kisi Bhooke Ko Roti Nahi Mili.

Waqt Ne Humein Kuch Is Qadar Badal Diya,
Aaine Hazaron Dekhe, Apni Surat Nahi Mili!

Aur In Parindon Ki Baghawat Jaiz Hai "Qadeer",
Jinhe Raat Guzarne Apne Hi Paid Ki Shaqeen Nahi Mili!

[Hussain]

nyc sharing

bht khoob;)

[Jhuki Palkein]

Thanks Himesh Jee =)

[safa]

very nice

[Jhuki Palkein]

^^ Pasand Karne Ka Shukriya Safa Jee.

- Not Mine -

Muskurana Bhool Gaya,.

Us Sehar Se Yun Nikla, Kahin Aur Jana Bhool Gaya,.
Ansuon Se Fursat Na Mili, Main Muskurana Bhool Gaya,.

Is Daur Ki Mohabbat Jo Dekhi Maine Sabko Karte Hue,.
Mohabbat Ka Naam Bhi, Zubaan Pe Laana Bhool Gaya,.

Ab Mohabbat Ban Gayi Hai Hawas, Sab Bhooke Hain Jism Aur Daulat Ke,.
Aashiq Bhi Yahan, Majnu Aur Ranjha Ki Mohabbat Nibhana Bhool Gaya,.

Ye Kaise Rishte Hain, Kaisi Halaalat Hai, Kaisa Manzir Hai,.
Ab To Kuch Yaad Na Raha, Main Bhi Wo Sacha Zamana Bhool Gaya,.

Chala To Tha Main Bhi Un Raho Mein 'Azeem', Mohabbat Ki Talash Mein,
Yun Gumraah Hua Main Bhi, Apne Ghar Laut Ana Hi Bhool Gaya,.

[-|A|-]

very nice ..!!

[Nida-H]

very nice selection..keep sharing !!!

[Jhuki Palkein]

Thank You Stranger And Ruby Jee =)

- Not Mine -

Tanhai Se Azaad Kar Do Mujhe,.


Aaj Phir Pukaar Lo Mujhe,
Is Tanhai Se Azaad Kar Do Mujhe,.

Tum To Aik Roshan Sitara Ho,
Jismein Mera Kuch Nahi,.
Aik Zarra Hoon Main,
Apne Saath Kuch Jagah Do Mujhe,.

Aaj Phir Pukar Lo Mujhe,
Is Tanhayi Se Azaad Kar Do Mujhe,.

Ye Kaisi Ghuttan Si Is Hawa Mein Hai,
Ke Saansein Bhi Hain Dam Todti,.
Jee Lun Phir Se Zindagi Ko Main,
Kuch Aisi Du'a Do Mujhe,.

Aaj Phir Pukaar Lo,
Is Tanhayi Se Azaad Kar Do Mujhe,.

Yeh Meri Khaamoshi Hi Meri Majboori Hai,
Jaise Koyi Khamosh Sa Samundar Hoon Main,.
Lehar Uth Jayegi Yahan Bhi,
Tum Apni Hi Awaaz Do Mujhe,.

Aaj Phir Pukar Lo Mujhe,
Is Tanhayi Se Azaad Kar Do Mujhe,.

[MeOw*]

superb

[Jhuki Palkein]

Thank You HZ..

- Not Mine -

Maloom Hai Khudaya, Tu Mera Bhala Karega,.
Meri Khoyi Hui Khushiyon Ko Zaroor Ata Karega,.

Phir Bhi Ya Rab Tujhse Mohabbat Mangta Hoon,.
Tujhse Apni Chahat Ki, Main Bheek Mangta Hoon,.

De De Mujhe, Jo Mere Dil Mein Arman Baaki Base Hain,.
De De Mujhe, Wo, Jo Mere Hisse Ki Tere Paas Khushi Hai,.

Tu Hai Beshaq, Rab-U-Aalameen,.
Tere Liye Koyi Cheez Nahi Na-Mumkin,.

Dega Tu Zaroor, Tujhse Hi Umeed Lagaye Bhaita Hoon,.
Tera Hi Hoon, Aur Tere Hi Aage Sar Jhukaye Bhaita Hoon,.

[-|A|-]

kOOl haan

[dont depend on others]

v nice dear cool

[A L i]

bahut umda thread

behtreen choice hai aapka

[Jhuki Palkein]

Thanks Everyone,.

Pasand Karne Ka Shukriya,.

[Jhuki Palkein]

- Not Mine -

Duniya Ka Ek Alag Hi Chehra Dekha Maine,.

Duniya Ka Ek Alag Hi Chehra Dekha Maine,.
Dekh Kar Bebasi Logon Ki, Ye Socha Maine,.

Sach Kaha Zamane Ne Ke Duniya Ne Aasmano Ko Choo Liya,.
Shayad Isliye Dilon Ko, Taroon Ki Tarhan Toot-te Dekha Maine,.

Sach Hai, Ke Duniya Na Tarakkhi Kar Li 'Azeem',.
Shayad Isliye Mohabbat Ko Mit-te Dekha Maine,.

Bijli Ki Ab Kisi Ko Pareshani Nahi Yahan,.
Nafraton Ki Aag Se, Gharon Ko, Sulag-te Dekha Maine,.

Woh Daur Hi Kitna Pyara Tha 'Azeem', Jab Duniya Peeche Thi,.
Is Daur Mein Bhai Ko, Bhai Ka Dushman Bante Dekha Maine,.

Bhale Aaj Duniya Mein Paison Ki Kami Nahi 'Azeem',.
Magar Jagah Jagah, Insaano Ko Bhook Se Marte Dekha Maine,.

[Jhuki Palkein]

- Not Mine -

Insaan Kahan Hai!

Har Taraf Kisan Hi Kisan Hai Bahar Kahan Hai,.
Insaano Ki Itni Badi Duniya Mein, Insaan Kahan Hai,.

Lut-te Raho Har Roz Zindagi Ko Beqauf Ho-kar,.
Ye Mat Poocho Ke Iska Nigahban Kahan Hai,.

Hui Thi Jang Jis Par Insaaniat Aur Haiwaaniyat Ki,.
Ab Kaun Jane Wo Maidaan Kahan Hai,.

Shahidon Ki Laash Le-kar Ghoomta Tha Koyi,.
Mai Bata Na Sake Ke Qabristan Kahan Hai,.

Sochta Hoon 'Qadeer' Poochloon In Siyasi Hukmrano Se,.
Ghandhi Ne Jo Saupa Tha, Wo Hindustan Kahan Hai,.

[Jhuki Palkein]

- Not Mine -
Khushi Dena To Bohat Chahi Maine Zindagi Ko,
Sochta Hoon, Mujhmein Jeene Ka Armaan Kahan Hai,.

[ShahTaJ]

superb collection

[Jhuki Palkein]

Thank You Shahtaj Jee,.

Ghareeb Ki Dastaan,.

Haye Main Ghareeb Hua, Ye Kaisa Mera Naseeb Hua,.
Roti Kapdon Se Door Hua, Tangdasti Ke Kareeb Hua,.

Ghar Ki Chat Tooti Hai, Kismat Bhi Apni Roothi Hai,.
Ghamon Ke Raaste Pe Khada Hoon, Dekho,.
Khushiyon Ki Gaadi Chooti Hai,.

Biwi Ke Sab Kharche Uthaoon, Tauhfe Main Use Kya Dilaoon,.
Bache Khilone Maangte Hain, Bachon Ko Kaise Samjhaoon,.
Maa Ki Beemari Door Karne Ko, Paise Main Kahan Se Laoon,.
Behan Bhi Meri Badi Hogayi, Iski Doli Kab Sajaoon,.

Haye Main Ghareeb Hua, Ye Kaisa Mera Naseeb Hua,.
Roti Kapdon Se Door Hua, Tangdasti Ke Kareeb Hua,.

Bhai Padhai Karta Hai, Kismat Se Wo Apni Ladta Hai,.
Bojh Mein Uspe Kaise Daloon, In Sab Cheezo'N Se Wo Darta Hai,.

Main Akela Hi Ghar Sambhaloon, Main Akela Hi Sab Ko Paloon,.
Mere Bache Bhi Bhade Ho Gaye, Inhe School Mein Kab Daloon,.

Sochta Hoon Aur Rota Hoon,
Jagta Zyada Aur Kam Sota Hoon,.
Ghareebi Ka Daag Jo Daman Mein Laga Hai,.
Use Main Har Roz Mehnat Se Dhota Hoon,.

Phir Bhi Jane Log Kyun, Dekhte Nahi Humein,.
Pyar Ke Do Meethe Bol Kehte Nahi Humein,.

Haye Main Ghareeb Hua, Ye Kaisa Mera Naseeb Hua,.
Roti Kapdon Se Door Hua, Tangdasti Ke Kareeb Hua,.

[~Pr!nCe$s UrOoJ~]

vvvvvvvvvvvvvvvvvvvvvv nice :) keep it up :flower4u:

[Jhuki Palkein]

Oops, I Forgot To Mention Upar Wali Bh Meri Nahi Hai,.

[Jhuki Palkein]

Thank You Princess,.

- Not Mine -

Tere Dil Mein Kya Hai Aik Baar Bata To Sahi,.
Apnana Tere Bas Mein Nahi, Thukra To Sahi,.
Mere Dard Pe Teri Qamushi Nahi Achi Lagti,.
Rona Tere Bas Mein Nahi, Muskura To Sahi,.

Meri Kitaab Ka Har Panna Teri Nazar Ka Muhtaj Hai,.
Padna Tere Bas Mein Nahi, Jala To Sahi,.

Tere Shehar Jabse Aye Pyase Hain Hum,.
Pani Tere Bas Mein Nahi, Zehar Pila To Sahi,.

Majhdar Mein Lakar Tune Choda Hai Saath Mera,.
Bachana Tere Bas Mein Nahi, Duba To Sahi,.

Kab Taq Rahega Tujhse Milne Ka Muntazir Ye 'Qadeer',.
Aana Tere Bas Mein Nahi, Bula To Sahi,.

Ab Kyun Karta Hai Naqaam Koshish Neend Se Uthane Ki,.
Jagana Tere Bas Mein Nahi, Dafna To Sahi,.

[Jhuki Palkein]

- Not Mine -

Aakhri Alfaaz,.

Gham-e-Hayat Ka Jhigra Mita Raha Hai Koyi,
Chale Aao Ke Duniya Se Jaa Raha Hai Koyi,
Azal Se Keh Do Ke Ruk Jao Ghadi,
Suna Hai Aane Ka Wada Nibhaa Raha Hai Koyi,
Wo Is Naaz Se Bhaite Hain Laash Ke Paas,
Jaise Ruthe Hue Ko Mana Raha Hai Koyi,
Palat Kar Na Aa Jaye Saans Jism Mein,
Itne Haseen Haath Se Mayiaat Saja Raha Hai Koyi,.!

[ShArArTi MuNdA]

Jhuki Palkein jeee very nice collection.....

aapka taste kafi acha ha shairy main

keeep sharing .

[Hani]

v.nice

[Jhuki Palkein]

Thanks Hani N Munda Jee,.
- Shayari Pasand Karne Ka Shukriya!

- Not Mine

Ye Kya Dekhta Hoon Main,.

Har Taraf Maatam, Har Taraf Andhera Kyuu'n Hai,.
Tanhaai Aur Dard Se Bhara, Ye Ghar Mera Kyuu'n Hai,.

Ye Kaisa Mukaam Mohabbat Ka Aya Hai 'Azeem',.
Khushi Ka Daur Guzar Chuka To Ghamo'n Ka Pal Thehra Kyuu'n Hai,.

Ab To Aadat Hai Mujhe Raat Ki Tanhai Mein Kho Jaana,
Ya Rab! Phir Ye Meri Zindagi Mein Roshan Sawera Kyuu'n Hai,.

Yu'n To Is Duniya Mein Musafiro'n Ki Kami Nahi 'Ya Rab,.
Phir Zindagi Ke Safar Mein 'Azeem', Akela Kyuu'n Hai,.

[!~*SOoLi]

Nice Collection ..

[Jhuki Palkein]

Thanks Devil,.

- Not Mine -

Utha Qalam Kuch Aise Ke Tera Auzaar Ban Jaye,
Kar Baya'n Yu'n Sachai, Ke Har Muslim Khuddar Ban Jaye,.

Baha De Khayalo'n Ka Samundar Bas Apne Alfaaz Se,
Tujhe Jo De Rab Likhne Ki Taaqat, To Na Darr Kisi Ke Aitraaz Se,.

Hai Sihaai Bheegi Magar, Apna Lahu Milana Baaqi Hai,.
Hai Hausle Bhi Buland, Samundar Mein Deep Jalana Baaqi Hai,.

Agar Mit Bhi Jao, Humein Hogi Khushi Ye Soch Kar,.
Ke Hua Naya Savera, Aur Badli Duniyaa Is Qalam Ke Zor Par,.

[!«╬Ĵamil Malik╬«!]

nice

[Nida-H]

very nice collection J-P...keep it up !!!

[-|A|-]

wow

[Jhuki Palkein]

Thanks Jamil Jee, Ruby N Stranger,.

[Jhuki Palkein]

Karwaan,.

Gunguni Dhoop Mein Kuch Khayal Pighalte Rahe,.
Karwaan Bhadta Gaya Aur Saath Choot-te Rahe,.

Us Dhool Ki Qeemat Bas Ye Zamee'n Jaanti Hai,.
Musafir To Bas Qadmo'n Ke Nishaa' Chodte Rahe,.
Karwaan Bhadta Gaya Aur Saath Choot-te Rahe,.

Jinke Tajurbe Mein Thi Puraani Dhadkane,.
Hamari Dhadkano Mein Wo Apne Jazbaat Dhoondte Rahe,.
Karwaan Bhadta Gaya Aur Saath Choot-te Rahe,.

Jin Yaado'n Ko Sanjo Ke Rakha Tha Dil Mein,.
Haathon Se Chalakar Woh Honto'n Par Theherte Rahe,.
Karwaan Bhadta Gaya Aur Saath Choot-te Rahe,.

Dekho Zara Is Raat Mein Aaj Chandni Si Aik Dhund Hai,.
Dil Hai Ke Hawaoo'n Ki God Mein Saari Raat Hum Yunhi Bhaite Rahe,.
Karwaan Bhadta Gaya Aur Saath Choot-te Rahe,.

[Jhuki Palkein]

Fazaoo'n Mein Bikharta Dard Mein Samet Leti Hoon,.

Fazaoo'n Mein Bikharta Dard Mein Samet Leti Hoon, Har Shaam Se Pehle,.
Aine Se Apna Aks Mitta Deti Hoon, Har Shaam Se Pehle,.
Main Kyaa Karoo'n Mujhe Aadat Ho Gayi Ankho'n Mein Nami Rakhne Ki,.
Chehre Se Muskurahat Samet Leti Hoon, Har Shaam Se Pehle,.
Koshish To Bohat Karti Hoon Khawab Galiyo'n Mein Khone Ki,.
Par Har Khawab Kirchi Ki Manind Bikhar Jata Hai, Har Shaam Se Pehle,.

[ShArArTi MuNdA]

very nice collection palkein jee

keep it up

[Jhuki Palkein]

Thanks Munda,.

- Not Mine -

Kaise Yaha'n Ke Log Hai'n Dekho,.
Sab Farebi Hai'n Log Yaha'n Ke,. Koyi In Mein Sacha Nahi,.
Baat Karte Hai'n Pyar Ki Magar Dil Kisi Ka Sacha Nahi,.

Labo'n Par Mohabbat Hoti Hai Sabke, Dil Mein Chupi Nafrat Hai,.
Wo Sache Log Guzar Gaye, Ab Logo'n Ki Yehi Fitrat Hai,.

Jhoot, Makkari, Beimaani, Ab Logo'n Ke Dilo'n Mein Basti Hai,.
Tabhi Dukhi Hai'n Log Yaha'n Ke, Jab Khudaai In Par Hasti Hai,.

Bhool Gaye Hain Log Khudaa Ko, Bhool Gaye Sachi Baatei'n,.
Duniya Mein Kho Gaye Hai'n Aise, Apni Auqatei'n Bhool Gaye,.

Ye Kaisa Daur Hai Dekho, Bhai Bhi, Bhai Ki Taraqqi Se Jalta Hai,.
Wohi Kamiyab Hota Hai Ab, Jo Kisi Ko Gira Kar Chalta Hai,.

Ya-Rab, Mujhe Aise Rang Mein Tu Dhalne Na Dena,.
Mera Sikka, Is Jhoote Bazar Mei'n Chalne Na Dena,.

Ameen!

[!~*SOoLi]

Xcellent Sharing Jhuki . . .

[Jhuki Palkein]

Thank You Devil Jee,.

Aap Ho Kidhar? Kaafi Dino Se Nahi Nazar Aa Rahe,.

Hope Everything Is Fine!

[Jhuki Palkein]

Woh Urdu Ka Musafir Hai, Yehi Pehchaan Hai Uski,.
Jahaa'n Se Bhi Guzarta Hai, Saleeqa Chod Jata Hai,.

[SHAYAN]

osum V Nyc

[Jhuki Palkein]

- Not Mine -

Palko'n Pe Aankhon Pe Sajaya Na Jaa Saka,.
Usko Bhi Dil Ka Haal Bataya Na Ja Saka,.

Zakhmo'n Se Choor Choor Tha Ya Dil Mera,.
Aik Zakham Bhi Usko Dikhaya Na Ja Saka,.

Jab Teri Yaad Ayi, To Koshish Ke Bawajood,.
Aankho'n Mein Aunsuo'n Ko Chupaya Na Ja Saka,.

Kuch Log Zindagi Mein Aise Bhi Aye Hain,.
Jinko Kisi Bhi Lamhe Bhulaya Na Ja Saka,.

Bas Is Khayal Se Usko Kahi'n Dukh Na Ho,.
Humse To Haal-e-Ghum Bhi Sunaya Na Ja Saka,.

Wo Muskura Raha Tha Mere Ru-Ba-Ru Magar,.
Chehre Ka Rang Usse Chupaya Na Ja Saka,.

Tanhayio'n Ki Aag Mein Hum Jal Gaye,.
Magar Faasla Dilo'n Ka Mitaya Na Ja Saka,.

[Jhuki Palkein]

Thank You Shayan Jee,.

[life2]

ek dum..................................()()()()()()) ))))@*$* *@@sooper...

aj phir tootain gii tere ghar ki nazuk khirkiyaan
ajj phir dekha gya hai devana tere shaher main

[Nida-H]

very nice collection J-P...keep it up dear !!!

[humaa]

v nice sharing

[Jhuki Palkein]

Thanks Everyone!

[Jhuki Palkein]

Tujhpe Koyi Ilzaam Nahi Dost,. Ye To Mere Naseeb Ki Baat Hai,.
Tum Dukhi Na Ho Yu'n, Mera Udaas Hona To Bas Roz Ki Baat Hai,.

[Jhuki Palkein]

- Not Mine -

Ab Is Safar Mein Mujhe Tanha Rehna Hai,.
Is Dard Aur Tanhai Ko Bas Akele Sehna Hai,.

Khilti Rahe Sada Sanam Hasi Tere Honto'n Pe,.
Mujhe To Bas Ab Ansuo'n Ki Tarha'n Behna Hai,.

Haste Rehte Hai'n Mujhpe Sab Mere Jan-ne Wale,.
Chal Chalei'n Ke Ab Mujhe Yahan Nahi Rehna Hai,.

Tumhei'n Mubarak Ho Baahei'n Apne Mehboob Ki,.
Mujhe To Ab Maut Ke Hi Agosh Mein Sona Hai,.

Ho Chala Ab Khatam Dost Mera Ye Afsana Hai,.
Is Liye Mujhe Tumse Ab Kuch Nahi Kehna Hai,.

[momal ali]

awesum n uniq collection sis,,,,
keep sharin...

[ShArArTi MuNdA]

zabardast collection palkein jeee

goood work n keeep it up

[life]

vv nice..............

[Jhuki Palkein]

Thank U Soo Much Everyone!!

Really Appreciated,.

[Jhuki Palkein]

- Not Mine -

Na Rahi Zindagi,.

Kitni Paresha'n, Kitni Hairaa'n Hai Zindagi,.
Baad Tere Zindagi Mei'n Sab Kuch Raha, Na Rahi Zindagi,.

Tune Dekha Nahi Aik Baar Palat Ke,.
Muntazir Teri Raaho'n Mei'n Rahi Zindagi,.

Na Humne Behlaya, Na Samjhaya Kabhi,.
Ta Umar Ansoo'n Bahati Rahi Zindagi,.

Na Tujhse Koyi Gila, Na Shikwa Hai Koyi,.
Dosh Kismat Ka Tha, Sehti Rahi Zindagi,.

Kabhi Apni Lagi, Kabhi Tujhe Saup Di,
Saath Mere Sada, Kaha'n Rahi Zindagi,.

Na Koyi Murham Mila, Na Chiraghar Mila,.
Zakham Hare Hi Rahe, Ghayel Rahi Zindagi,.

[Jhuki Palkein]

- Not Mine -

Khata Unki Nahi Yaaro'n,.
Apni Karni Ka Hi Rona Hai,.
Mai'n Kankar Hoo'n Us Dar-e-Jaana Ka,.
Jo Sar Se Paao'n Taq Sona Hai,.

Shikwa Nahi Hai Unse Koyi,.
Apne Gunaho'n Ka Bhoj Humko Dhona Hai,.
Mai'n Parwana Hoo'n Shaam Par Mar Mitta,.
Aik Na Aik Din To Khaak Hona Hai,.

Usmei'n Koyi Ab Nahi, Wo Insaan Hai Farishto'n Jaisa,.
Unke Noor Se Raushan Zameen Ka Har Kona Hai,.
Jis Jagah Par Pukara Tha Unho'n Ne Kabhi Naam Mera,.
"Ghayal" Ko Usi Jagah Dafan Hona Hai,.

[Jhuki Palkein]

Log Toot Jate Hai'n Aik Ghar Basane Mein,.
Tum Taras Nahi Khaate Bastiyaa'n Jalane Mein,.

[MeOw*]

hmmm It`z really Awsome sharing

keep it up

[ShArArTi MuNdA]

palkei jeee ,,,,,, wat can i say ... aapki choice bohat achi hai

keeep it up

[A L i]

very very nice choice

[momal ali]

keyaa bat hey sis ...bohat khoob

[Hussain]

v.nyc collection isma
gud poetry gud wordz
keep it up
nyc

[Jhuki Palkein]

Thank U Soo Much All Of You,.

- Not Mine -

Meri Zindagi Na Ayi, Meri Maut Kam Ayi,.
Meri Mayyat Pe Sabne Khushiyaa'n Bohat Manayi,.

Meri Wafa Na Ayi, Teri Be-wafai Kam Ayi,.
Tujhe Mehfilo'n Ne Pooja, Mujhe Mili Bohat Tanhayi,.

Mere Zakhm Na Aye, Teri Bad-duaa Kam Ayi,.
Bhadhta Raha Jab Dard Mera, Tu Bohat Muskurayi,.

Ghazal Ghayal Ki Na Ayi, Teri Tukbandi Kam Ayi,.
Chand Daad Mili Humko, Tujhe Shehar Bhar Se Wah_Wahi,.

[Jhuki Palkein]

Haadse Aise Bhi Saath Hote Rahe,.

Aik Pal Ki Hasi Sajane Ke Liye, Hum Umar Bhar Rote Rahe,.
Khawabo'n Ki Duniya Jo Sajayi Thi, Jaagte Kam Aur Sote Rahe,.

Dushmano' Ki Saazish Ko Maat De Kar, Samundar Se Hum Nikal Gaye,.
Dost Itne Gaddaar Nikle, Humei'n Kinaro'n Par Hi Dabote Rahe,.

Kis Kis Ka Zikar Karoo'n,. Ke Kis Kis Ne Mujhe Dagaa Diya,.
Koyi Khayal Bhi Nahi Kar Sakta, Haadse Aise Bhi Hote Rahe,.

Phool Samjh Kar Jinhe, Kaanto'n Se Bachakar Rakha Tha Maine,.
Jab Haasil Karna Chaha Inhe, Ye Khud Mujhe Kaante Chabote Rahe,.

Haadse Aise Bhi Saath Hote Rahe,.

[~*Gillanii]

Hmmm ... Bohat Achi, Khas Tor Pay "Meri Maut Kaam Ayi"

[Jhuki Palkein]

Thanks Sooli ,.

[Jhuki Palkein]

- Not Mine -

Kaise Karein,.

Khawab Hai Apna Muqaddar To Gila Kaise Karein,.
Door Hai Mujhse Bohat, Us Se Mila Kaise Karein,.

Raaste Roz Mohabbat Ke Badal Jaate Hain,.
Tum Kaho Rasm-e-Mohabbat Ye, Adaa Kaise Karein,.

Yaad Se Teri, Darakhshaan Hai Zindagi Meri,.
Yaad Har Saans Mein Hai, Isko Judaa Kaise Karein,.

Be-Khudi Itni Hai, Ke Khud Ka Bhi Ehsaas Nahi,.
Aisi Haalat Mein Kaho, Yaad-e-Khuda Kaise Karein,.

Kaash Yu'n Door Na Hoti Teri Basti Mujhse,.
Deed Ka Shauq Hai, Deedar Tera Kaise Karein,.

Mil Hi Jaati Mujhe Meri Laila Aik Din "Seraj",.
Aaj Ke Daur Mein, Majnu Si Khata Kaise Karein,.

[Hussain]

gr8 share

[Nida-H]

very nice collection..keep sharing J-P !!!

[ShArArTi MuNdA]

welll aapki collection per main kia kahoun palein jeee
bas itna keh sakta houn k really awesome colllection
keeep it up & keeep sharing.

[Jhuki Palkein]

Thank U Soo Much Everyone! N Thanks Munda Jee,.

Meri Pasand Pasand Karne Ke Liye Shukriyaa!

[~*Gillanii]

Hmmm .. V Nice Jhuki, Keep it up

[MeOw*]

Zabardast collection

[A L i]

really zabrdst :)

[Jhuki Palkein]

H.Z , Ali Aur Sooli Jee..

Shukriya!!

[Jhuki Palkein]

- Not Mine -

Wafaa Jab Us Se Nibhayi Na Gayi,.
Khud Ko Maaine Bewafa Bana Diya,.

Wo Bhi Mujhse Mooh Modne Laga 'Azeem',.
Meri Mohabbat Ka Kitna Achaa Sila Diya,.

Maine Khud Ko Zamane Ke Hawale Kar Diya,.
Jab Usne Mera Wajood Hi Mita Diya,.

Aaj Kehte Hain Log, 'Azeem Pagal Hai',.
Hay, Ye Mohabbat Ne Mujhe, Kya Se Kya Bana Diya,.

Acha Tha, Anjaan Tha, Khushi Se Jab Waasta Na Tha,.
Khushi Ki Aas Ne Mujhe, Ghamo'n Se Mila Diya,.

Kaash Ke Main Bhi Kinare Pe Khade Dekhta, Samandar Ko,.
Teharne Jab Nikla, Samundar Ne Mujhe Dubaa Diya,.

Mere Muqaddar Mein, Haar Barkaraar Hai,.
Jeet To Main Bhi Jaata, Shayad Haar Ne Mujhe Hara Diya,.

Chahat Thi Meri Ke Main Bhi Sanam Ko, Sitaaro'n Mein Dhundo'n,.
Uski Bewafai Ne Dosto'n, Azeem Ka Sarr Jhuka Diya,.

[Jhuki Palkein]

- Not Mine -

Tere Pyaar Ke Naghmein Jo Mehakte The In Vaadiyo'n Mein,
Aaj Inhe Khaamosh Karne Ke Liye Har Armaan Kuchal Diya,.

Tera Ziqr Na Jhalke Kabhi In Ankho'n Ke Kinaro'n Mein,.
Isi Liye Palkon Ko Humesha Ke Liye Band Kar Diya,.

[MeOw*]

wah kia bat hai ap ki jhuki palkein

[~*Gillanii]

Very Nice .. Keep Sharing Good Poetry

[life2]

nice.

NA JAANEY KONSA WO BDNASEEB LUMHA THA
JO GHUM KI AAG MEIN MUJ KO JALA GAYA CHUP CHAAP

[ShArArTi MuNdA]

realllly nice collection palkein jeeee

superb
keep it up

[Nida-H]

very nice..keep sharing Dear !!!

[Jhuki Palkein]

Thank You Everyone!! :)

[Jhuki Palkein]

- Not Mine -

Bohat Jhoom Ke Mayusi Meri Duniya Mein Jashan Manati Hai,.
Zakham 'Ghayal' Ke Karte Hai'n Tamasha Aur Dard Ko Hassi Aati Hai,.

[Jhuki Palkein]

- Not Mine -

Wo Jaanta Tha,.
Bohat Pasand Hai'n Barishein Mujhe,.
Aur Isi Liye,.
Jaate Samey Meri Ankho'n Ko,.
De Gaya Hai Sawan Ka Pata,.

[Jhuki Palkein]

- Not Mine -

Mere Gunaah Zyada Hai''n Ya Teri Rehmatein,.
,. Kareem Tu Hi Bata De Hisaab Karke!

[Jhuki Palkein]

Baat Karni Mujhe Mushqil Kabhi Aise To Na Thi,.
Jaise Ab Hai Teri Mehfil, Kabhi Aise To Na Thi,.

Le Gaya Cheen Ke Kaun Tera Sabr-o-Qaraar,.
Be-Qaraari Tujhe Ae Dil, Kabhi Aisi To Na Thi,.

[Nida-H]

Beautiful Poetry Collection..keep sharing J-P !!!

[~*Gillanii]

Mere Gunaah Zyada Hai''n Ya Teri Rehmatein,.
,. Kareem Tu Hi Bata De Hisaab Karke!

Beautifull .. Keep it up Jhuki Palkien :)

[Hussain]

v.nyc yar

keep it up

gud shariNg

[ShArArTi MuNdA]

nice collection.

keep it up

[Jhuki Palkein]

Thanks All Of U! :hbbh:

[Jhuki Palkein]

Kahin Tanha Na Kar De Tujhe Munfrid Rehne Ka Shoq Faraz,
Jub Din Dhale Tu Kisi Se Haal-e-Dil Keh Dia Kar,.

[ShahTaJ]

very nice collection
keep it up

[Jhuki Palkein]

Na Tha Kucch
- Mirza Ghalib

Na Tha Kuch Toh Khuda Tha, Kuch Na Hota To Khuda Hota,.
Duboya Mujhko Hone Ne, Na Hota Main, To Kya Hota?

Hua Jab Ghum Se Yu'n Behis,. To Ghum Kya Sarr Ke Katne Ka?
Na Hota Gar Judaa Tan Se To Zanoo' Par Dhara Hota,.

[Jhuki Palkein]

[Woh Firaaq Aur Woh Wisaal Kahaa'n ?
Wo Shab-o-roz-o-maah-o-saal Kahaa'n ?

Firaaq = Separation,.
Wisaal = Meeting,.
Shab = Night,.
Roz = Day,.
Maah = Month,.
Saal = Year :)

[MeOw*]

awsum collection

[A L i]

bahut umda Poetry

[ShArArTi MuNdA]

Kahin Tanha Na Kar De Tujhe Munfrid Rehne Ka Shoq Faraz,
Jub Din Dhale Tu Kisi Se Haal-e-Dil Keh Dia Kar,.


Very nice collection jhuki palkein jeee

keep it up

[~*Gillanii]

Duboya Mujhko Hone Ne, Na Hota Main, To Kya Hota? :o

Wah Ghalib Bhai Tussi Great O :laugh: .. Keep it up Jp Is Baar Kamal Kar Di Aap Nay :thumbsup:

[Nida-H]

Great Collection..keep it up J-P !!!

[Jhuki Palkein]

Sab Ko, Pasand Karne Ka Shukriya :hbbh:

[Jhuki Palkein]

Har Ek Sawal Ka Usko Jawab Kya Deti?
Main Apni Zaat Ka Usko Hisab Kya Deti?
Jo Ek Lafz Ki Khushbu Na Rakh Saka Mehfooz!
Mai Us Ke Hath Mein Puri Kitab Kya Deti?

[Jhuki Palkein]

Aab Kay Yoon Dil Ko Saza Di Hum Nay
Us Ki Her Baat Bhula Di Hum Nay
Eik , Eik Phool Bohat Yaad Aaya
Shakh-E-Gul Jab Woh Jala Di Hum Nay
Aaj Tak Jis Pay Woh Shermatay Hain
Baat Woh Kab Ki Bhula Di Hum Nay
Sheher-E-Jahan Rakh Say Abad Hua
Aag Jab Dil Ki Bujha Di Hum Nay
Aaj Phir Yaad Bohat Aaya Woh
Aaj Phir Us Ko Dua Di Hum Nay
Koi To Baat Hia Us Main Faiz
Her Khushi Jis Pay Luta Di Hum Nay!!

[Jhuki Palkein]

Pandar Kay Kho'gar Ko
Nakaam Bhi Dekho Gay ?
Aghaz Say Waqif Ho
Anjaam Bhi Dekho Gay ?

Rungeeni Duniya Se
Mayoos Sa Ho Jana
Dukhta Howa Dil Ley Kar
Tanhaye Main Kho Jana

Tarsi Hoi Nazro'n Ko
Hasrat Say Jhuka Lena
Faryaad Kay Tukro'n Ko
Aaho'N MaiN Chupa Lena

Raato'N Ki Khamoshi MaiN
Chup Kar Kabhi Ro Lena
Majboor Jawani Kay
Malboos Ko Dho Lena

Jazbaat ki Wusa't ko
Sajdo'N Say Basa Lena
Bhooli Hoi Yaado'N Ko
Seenay Se Laga Lena

[Jhuki Palkein]

Gungunate Hue Aanchal Ki Hawa de Mujh Ko
Ungliyan Pher K Baalon Mein Sula De Mujh Ko

Jis Tarah Faltu Guldaan Pare Rehte Hain
Apne Ghar K Kisi Kone Se Laga De Mujh Ko

Yaad Kar K Mujhe Takleef He Hoti Ho Gi
Ek Qissa Hoon Purana Sa Bhula De Mujh Ko

Doobte Doobte Aawaz Teri Sun Jaon
Aakhri Baar Tou Sahil Se Sada De Mujh Ko

Main Tere Hijr Mein Chup Chap Na Mar Jaon Kahin
Main Hoon Sakte Mein Kabhi Aa K Rula De Mujh Ko

Dekh Main Ho Gaya Badnaam Kitaabon Ki Tarah
Meri Tash'heer Na Kar ab Tou Jala De Mujh Ko

Roothna Tera Meri Jaan Liye Jaata Hay
Aise Naraaz Na Ho, Hans K Dekha De Mujh Ko

Aur Kuchh Bhi Nahi Manga Mere Malik Tujh Se
Uss Ki Galiyon Mein Pari Khaak Bana De Mujh Ko

Log Kehte Hain K Ye Ishq Nigal Jaata Hay
Main Bhi Iss Ishq Mein Aaya Hoon, Dua De Mujh Ko

Yehi Aoqaat Hay Meri Tere Jeevan Mein K Main
Koi Kamzor Sa Lamha Hoon, Bhula De Mujh Ko,.

[Hussain]

bht umdaa G
bht khoob
keep rocKZ

[~*Gillanii]

Xcellent Jp .. Wasi Shah Ki Kya Baat Hay, Keep Sharing Haan :(naqal:

[life2]

Us Se Baat Bhi Karte Tu Kis Tarhan Karte
Yeh Masala Dua Ka Tha Dua Pe Chor Diya

[ShArArTi MuNdA]

Yehi Aoqaat Hay Meri Tere Jeevan Mein K Main
Koi Kamzor Sa Lamha Hoon, Bhula De Mujh Ko,.


Very nice collection JP jee

keep it up

[dur-e-shahwar]

v nyc sis

[Jhuki Palkein]

Sab Ka Shukriya !!

[Jhuki Palkein]

Tumharey Na Honey Se Kuch Bhi Nahi Badla
Ye Suraj Bhi Wahin Se Nikalta Hai

Aasma'n Pe Taarey Bhi Chamaktay Hain
Aur Chand Ki Chandni Bhi Hoti Hai

Hawaein Bhi Chalti Hain
Darya Bhi Behtey Hain

Phool Bhi Khiltey Hain
In Mein Khushbu Bhi Hoti Hai

LEKIN !

Na Janey Kyu'n?
Tumharey Na Honey Sey
Har Cheez Adhoori Si Lagti Hai

Har Subah Shaam Si Lagti Hai
Har Muskaan Udaas Si Lagti Hai

Har Mehfil Anjaan Si Lagti Hai
Har Dharkan Be-Jaan Si Lagti Hai

Sach To Ye Hai "Tanha" Key
Sari Duniya Veeran Si Lagti Hai,.

[SHAYAN]

V.Nyc Jee...:cool-yaar:

[Jhuki Palkein]

Shukriyaa!!

[Jhuki Palkein]

Yehi Mere Naseeb The ,.

Anjaan Hain Mere Haal Se , Jo Mere Rafeeq The ,.
De Gaye Zakham Wohi , Jo Dil Ke Qareeb The ,.

Waqt-e-Gardeesh Mein , Dost Bhi Ajnabi Hue ,.
Gila Nahi Mujhe Inse , Yehi Mere Naseeb The ,.

Ek Umar Guzri Unke Deedar Ko Hum Taraste Rahe ,.
Ab Nafrat Unhi Se Hai , Kal Taq Jo Mere Habeeb The ,.

Ab Chaahat Meri Adhoori Hai , Har Jagah Be-Noori Hai ,.
Bujha Gaye Chiraag Wohi , Jo Mere Ghar Ke Qareeb The ,.

Anjaan Hain Mere Haal Se , Jo Mere Rafeeq The ,.
Gila Nahi Mujhe Inse , Yehi Mere Naseeb The ,.

[life2]

nice jhuki.


Pyar Heyrat Hey Jisey Koi Chupa Bhi Na Sakey
Pyar Dolat Hey Jisey Koi Chura Bhi Na Sakey
Pyar Afat Hey Jisey Koi Bhula Bhi Na Sakey
Pyar Naghma Hey Jisey Koi Ga Bhi Na Sakey
Pyar Nalah Hey Jisey Koi Daba Bhi Na Sakey
Pyar Shikwa Hey Keh Honton Peh Jo Aa Bhi Na Sakey
Pyar Qisa Hey Jisey Koi Suna Bhi Na Sakey
Pyar Qarza Hey Jisey Koi Chuka Bhi Na Sakey
Pyar Fitna Hey Jisey Koi Sula Bhi Na Sakey
Pyar Kitna Hey Koi Itna Bata Bhi Na Sakey
Pyar Tamgha Hey Jisey Koi Saja Bhi Na Sakey
Pyar Wadah Hey Jisey Koi Nibha Bhi Na Sakey
Pyar Dhoka Hey Koi Khaye To Kha Bhi Na Sakey
Pyar Pardah Hey Jisey Koi Hata Bhi Na Sakey
Pyar Hey Naaz Jisey Koi Utha Bhi Na Sakey
Pyar Shola Hey Jisey Koi Bujha Bhi Na Sakey
Pyar Ki Aanch Sey Dil Koi Bacha Bhi Na Sakey
Pyar Basti Hey Jisey Koi Basa Bhi Na Sakey
Pyar Taqat Hey Jisey Koi Hara Bhi Na Sakey
Pyar Shokhi Hey Jisey Koi Rula Bhi Na Sakey
Pyar Tootey To Koi Us Ko Bana Bhi Na Sakey
Pyar Roothey To Koi Us Ko Mana Bhi Na Sakey

[A L i]

very Nice

[~wish munda~]

gr8 sharing palken keep sharing

[A L i]

Yehi Mere Naseeb The ,.


Anjaan Hain Mere Haal Se , Jo Mere Rafeeq The ,.
De Gaye Zakham Wohi , Jo Dil Ke Qareeb The ,.

Waqt-e-Gardeesh Mein , Dost Bhi Ajnabi Hue ,.
Gila Nahi Mujhe Inse , Yehi Mere Naseeb The ,.

Ek Umar Guzri Unke Deedar Ko Hum Taraste Rahe ,.
Ab Nafrat Unhi Se Hai , Kal Taq Jo Mere Habeeb The ,.

Ab Chaahat Meri Adhoori Hai , Har Jagah Be-Noori Hai ,.
Bujha Gaye Chiraag Wohi , Jo Mere Ghar Ke Qareeb The ,.

Anjaan Hain Mere Haal Se , Jo Mere Rafeeq The ,.

Gila Nahi Mujhe Inse , Yehi Mere Naseeb The ,.


bahut khoob

[momal ali]

Osum collection jp sis

[ShArArTi MuNdA]

Yehi Mere Naseeb The ,.

Ab Chaahat Meri Adhoori Hai , Har Jagah Be-Noori Hai ,.
Bujha Gaye Chiraag Wohi , Jo Mere Ghar Ke Qareeb The ,.

Anjaan Hain Mere Haal Se , Jo Mere Rafeeq The ,.
Gila Nahi Mujhe Inse , Yehi Mere Naseeb The ,.


Palkein jeeeee very nice collection

reallly nice collections

keeep it up

[SHAYAN]

Gr8...

[-|A|-]

very nice