Kya dhoondhte ho aankh ki tehreer mai kya hai

[ROSE]

Kya dhoondhte ho aankh ki tehreer mai kya hai
ik khaab hai bas khaab ki ta'beer mai kya hai

ik bazm khayali ko sajaya hai hunar say
yaadon k khad o khaal hain tasveer mai kya hai

wo hijr k wehshat hai k batla na saki mai
alfaz mai jazbat mai taseer mai kya hai

khush rehti hoo'n machhli ki tarah shishay k ghar mai
ab iss se ziada meri taqdeer mai kya hai

jee chahay to rukk jaa'o merey sheher mai kutch rauz
janay k liye aaye ho takheer mai kya hai

deewangi le jayegi manzil ki taraf ab
deewar gira di hai to zanjeer mai kya hai

dam torhti tehzeeb hai aur batain hee batain
ai chara'garo 'aapki taqreer mai kya hai

wo raug hai ye ishq, k jaa'n le k talai'ga
tadbeer na kar.. faida tadbeer mai kya hai

[*NRB*]

wah.. boht aala Rose

[ROSE]

thanks

[DrEaMBoY]

Waqt ke sath anaasar bhi rahe sazish mein,
Jal gaye pairr kabhi dhoop kabhi barish mein,

Woh tou ik saada-o-kam shauq ka talib nikla,
Hum ne naahiq hi ganwaya usey aarayesh mein,

Zindagi ki koi mehroomi nahin yaad ayi,
Jab talak hum they tere qurb ki asaayesh mein,

Aik dunya ka qaseeda tha agarche mere naam,
Lutf aata tha kisi shakhs ki fehmayesh mein,

Us ki ankhen bhi meri tarah se girdi kahin aur,
Khawb ka qarz barh jata hai ik khawish mein…

[CaReLeSs]

Bht Khoob ..

[ilhtdubai]

wah g wah..bht umdaa

[ROSE]

thanks

[ღƬαsнι☣Rασ™]

Nice Post
thanks for sharing