sila apni wafao'n ka mila hamko magar aisay

[ROSE]

saharay torh kar saray, sahaaray dhoondhne niklay
qadam rakkh kar bhanwar mai ham kinaaray dhoondhne niklay

nahee'n baikar ikk pal bhi guzaari zindagi hamm nay
kisi k naam say apnay sitaray dhoondhne niklay

hamaray hauslo'n ne hi nibhaai umr bhar ham say
milay hain haadsay hamko, nazaray dhoondhne niklay

bhala kaisay na hota harr qadam par saamna unn ka
hamain jab chaar soo dushman hamaray dhoondhne niklay

sila apni wafao'n ka mila hamko magar aisay
gaye jab chhorh kar dunya to pyaray dhoondhne niklay

nahee'n KHURSHEED dunya mai koi bhi aik ham jaisa
bhula kar faayday saray khasaray dhoondhne niklay

[CaReLeSs]

Zabardast..

[ROSE]

Thanks