~~~Kaho Woh Ishq Kaisa Tha~~~

[Miss Habib]

~~~Kaho Woh Ishq Kaisa Tha~~~




Kaho,
woh dasht kaisa tha?
Jidhar sub kuch luta aaye
Jidhar aankhain ganwa aye

Kaha,
sailab jesa tha,
bohot chaha k bach niklain magar sub kuch baaha aaye

Kaho,
woh hijr kesa tha?
Kabhi choo ker usay dekha
To tum nay kya bhala paya?

Kaha,
bus aag Jesa tha,
usay choo ker to apni rooh ye tann mann jala aaye

Kaho,
woh wasal kesa tha
Tumhain jab chuu liya us nay
To kya ehsas jaga tha?

Kaha,
ik raastay jesa,
jidhar sey bus guzarna tha, makan lekin bana aaye

Kaho,
woh chand kesa tha?
Falak say jo uttar aaya!
Tumhari aankh main basnay

Kaha,
woh khawab jesa tha,
nahin taabeer us ki, usay ik shab sula aaye

Kaho,
woh ishq kaisa tha?
Bina perkhay kiya tum ney

Kaha,
titlii ke rang jesa,
bohat kachaa anokha sa, jabhi us ko bhula aaye

Kaho,
woh naam kaisa tha?
Jisay sehraaon aur chanchal
Hawaon per likha tum ney

Kaha,
bus mausmoon jesa,
na janay kis tarha kis pal kisi ro mein mita aaye

Suno,
khawahishon ki lehron per sambhalna kyun hua mushkil?

Bataya ,
paanion per khawab ki kashtii bina jesay

Suno,
Bhala tum rooh ki in kirchion main dhoondtay kya ho?

Kaha,
yeh itni roshan hain keh sooraj hai diya jesay

Suno,
aankhon hi aankhon ka bayan kaisa laga tum ko?

Laga,
phoolon say sargoshi si kerti hai saba jesay..!!

[Razii]

Bohat achi nazm hai miss :)

[AFghani_Laila]

SIs Bohut Touching NAzm Hai :D

[PRINCE SHAAN]

Bahut khoob...............zaberdast nazam share ki hai aap ne

[SHAYAN]

Simpli FabolouZ...

[Miss Habib]

thankss to all

[Owi]

my favorite
thankx for shairing

[Miss Habib]

thanksss