shnasa hun fareb-e-zindagi se

[ROSE]

Dua ka silsila baaqi rahey ga
so tum se raabeta baaqi rahey ga

Adam ho jaayega, maujood hae jo
faqat dast-e-fanaa baaqi rahey ga

Tumhey paa loon magar ye waahima hae
kahin ik marhala baaqi rahey ga

Ana ke daa'ery takra na jaa'en
bus itna faasla baqi rahey ga

Bja ke aks mit-tey ja rahey hen
shikasta aaina baqi rahey ga

Tumhe jaana tha tum se kya gila ho
hamen khud se gila baqi rahe ga

Usi ki jeet ho gi aakhir-e-shab
hawa me jo diya baaqi rahey ga

Dam-e-rukhsat plat kr dekhna mat
kahan phir hosla baaqi rahey ga

shnasa hun fareb-e-zindagi se
wafa ka tajruba baqi rahey ga

[SHAYAN]

Buht Khub

[ROSE]

thanks