Mere Liye to Harf e dua Ho gaya wo shakhs

[(¯*♥¤»ƙɧՄՏɧՅԾԾ«¤♥*¯)]

Mere Liye to Harf e dua Ho gaya wo shakhs
Saare Dukhon Ki jaise Dawa ho Gaya wo shakhs

Main Aasmaan pe tha to Zameen ki Kashish Tha wo
Utraa Zameen par to Hawa ho Gaya wo shakhs

Sochun bhi ab Usey to Takhayyul k par Jalen
Mujh se Juda hua to khuda Ho gaya wo shakhs

Sab Ashk Pi Gaya Mere Andar ka Aadmi
Main Khushk ho Gaya hoon, Hara Ho Gaya wo shakhs

main uska haath dekh raha tha k dafa'tan
simta, simat k rang e hina ho gaya wo shakhs

Phirta hai le k aankh ka kashkol dar badar
dil ka bharam luta to gadaa ho gaya wo shakhs

Yoon Bhi nahin k paas hai Mere wo Humnafas
Yeh bhi Ghalat k Mujhse Juda ho Gaya wo shakhs

parhta tha main namaz samajh kar usay Rasheed
phir yoon hua k mujh se qazaa ho gaya wo shakhs.

[SHAYAN]

Yoon Bhi nahin k paas hai Mere wo Humnafas
Yeh bhi Ghalat k Mujhse Juda ho Gaya wo shakhs

Wah

[Mf Great Power]

nice......

[(¯*♥¤»ƙɧՄՏɧՅԾԾ«¤♥*¯)]

thanks