Khabar e tahiiyyur e ishq sun, na junuun rahaa na parii rahii ~ Siraj Aurangabadi

[Aslam]

Khabar e tahiiyyur e ishq sun, na junuun rahaa na parii rahii
na to tuu rahaa, na to main rahaa, jo rahii so bekhabarii rahii

shah e bekhudii ne ataa kiyaa mujhe ab libaas e baraahnagii
na Khirad kii bakhyaagirii rahii, na junuun kii pardaadarii rahii

chalii simt e Ghaib se ek havaa ke chaman zahuur kaa jal gayaa
magar aik shaakh e nihaal e gham jise dil kahen so harii rahii

nazar e taghaaful e yaar kaa, gilaa kis zubaan se karuun bayaan
ki sharaab e sad qadhe aarzuu, Khum e dil men thii so bharii rahii

vo ajab gharii thii ke jis gharii liyaa dars nuskhaa e ishq kaa
ki kitaab aql kii taaq men, jo dharii thii yon hii dharii rahii

tere josh e hairat e husn kaa asar is qadar se ayaan huaa
ke na aaiine men jilaa rahii, na parii ki jalvaagarii rahii

kiyaa Khaak aatish e ishq ne dil e be navaa e ”Siraj” ko
na Khatar rahaa, na hazar rahaa, magar ek bekhatarii rahii

Siraj Aurangabadi

[CaReLeSs]

V niCe..

[SHAYAN]

Nice..

[M A H i]

nazar e taghaaful e yaar kaa, gilaa kis zubaan se karuun bayaan
ki sharaab e sad qadhe aarzuu, khum e dil men thii so bharii rahii

vo ajab gharii thii ke jis gharii liyaa dars nuskhaa e ishq kaa
ki kitaab aql kii taaq men, jo dharii thii yon hii dharii rahii

nice sharing