Raah-E-Zindagi Me Ya Rab! Rahe Ga Ghubaar Kab Tak?

[SHAYAN]

Gham-E-Hijr-E-Yaar Kab Tak Rahoon Be-Qaraar Kab Tak?
Mere Dil Bata Yeh Mujh Ko Karoon Us Ko Pyar Kab Tak?

Ye Hujoom-E-Naa-Muraadee Gham-E-Be-Shumaar Kab Tak?
Teri Baat Kaa Bharosah Tera Intizaar Kab Tak?

Shab-E-Hijr Ki Udaasi Kaheen Mujh Ko Le Na Doobe!
Meri Dharkanon Pe Ho Gaa Teraa Ikhtiyaar Kab Tak?

Nah Hee Aaj Kaa Bharosah, Nah Hee Kal Kee Hain Umeedein
Teri Reh-Guzar Takoon Main, Shab-E-Wasl-E-Yaar Kab Tak?

Jahaan Dekhiye Andheraa! Jahaan Sochiye Udaasi!
Raah-E-Zindagi Mein Yaa Rab! Rahe Gaa Ghubaar Kab Tak?

Main Nikal Paraa Thaa Tanhaa, Liye Saare Ranj Dil Par
Magar Phir Khayaal Aayaa Ke Sahoon Ye Baar Kab Tak?

Meri Aankhein Tak Rahin Hain Teri Waapsi Ki Raahein
Tu Hi Ab Bataa De Mujhko Karun Intizaar Kab Tak?!

Mujhe Yoon To De Gayaa Hai Woh Dilaasah Jaate Jaate
Magar Ab Yeh Sochta Hoon Karoon E’tibaar Kab Tak?

[ROSE]

very good,,,,,,,

[Miss Habib]

Mujhe Yoon To De Gayaa Hai Woh Dilaasah Jaate Jaate
Magar Ab Yeh Sochta Hoon Karoon E’tibaar Kab Tak?

bohat zabrdst Shayan

[CaReLeSs]

V G()()d Shayan :D

[SHAYAN]

Thnx...