-:||:- Phir Kon Sunay Ga Bhala Kohraam Hamaara -:||:-

[Owi]

-:||:- Phir Kon Sunay Ga Bhala Kohraam Hamaara -:||:-


Phir kon sunay ga bhala kohraam hamaara
Gar us tak kabhi pohancha nahi payghaam hamaara

Paataal mein phaink aayein gi ik roz hawaayein
Sookhay huway patton pay na likh naam hamaara

Her waqt usay yaad kiya kertay hein hum log
Muddat say yehi aik hai bas kaam hamaara

Wo jis ka badan baagh k phoolon say bana tha
Kis sheher mein rehta hai ab gulfaam hamaara

Phir toot k aa jaati hein kuch taiz hawaayein
Jalta hai diya jab bhi sir-e-shaam hamaara

Hum khaak nasheenon ko falak say nahi nisbat
Dharti pay hua kerta hai bisraam hamaara

Ab dil k dharaknay say bhi darr lagta hai ShihaaB
Jaanay wo kahaan lay gaya aaraam hamaara.

[SHAYAN]

V Nice

[Owi]

Thankx

[M A H i]

Ab dil k dharaknay say bhi darr lagta hai ShihaaB
Jaanay wo kahaan lay gaya aaraam hamaara.


Nice ..........