A Nazam By Amjad Islam Amjad

[Aadii~]

zindagi ke mele mein
khvaahishon ke rele mein
tum se kyaa kahen jaanaa
is qadar jhamele mein
vaqt ki ravaani hai
bakht ki giraani hai
sakht bezamini hai
sakht laamakani hai
hijr ke samandar mein
takht aur takhte ki
ek hi kahaani hai
tum ko jo sunaani hai

baat go zaraa si hai
baat umr bhar ki hai
umr bhar ki baatein kab
do ghadii mein hoti hain
dard ke samandar mein
anginat jaziren hain
beshumaar moti hain
aankh ke dariche mein
tum ne jo sajaaya thaa
baat us diye ki hai
baat us gile ki hai
jo lahuu ki khilvat mein
chor ban ke aata hai
lafz ke fasilon par
tuut tuut jaataa hai

zindagi se lambi hai
baat rat_jage ki hai
raaste mein kaise ho
baat takhaliye ki hai
takhaliye ki baaton mein
guftaguu izaafi hai
pyaar karane vaalon ko
ik nigaah kaafi hai
ho sake to sun jaao
ek din akele mein
tum se kyaa kahen jaanaan
is qadar jhamele mein

-Amjad Islam Amjad:;shyy:

[Kash]

Very Nice ...

[Aadii~]

Very Nice ...
Shukriyaaa Kash Bhai

[)*¤° ąℓɨƶą ąhʍ€ď °¤*(]

so nice bro.......

[SHAYAN]

Nice..

[Abewsha]

nice...

[Aadii~]

so nice bro.......Thanks Bro

[CaReLeSs]

Buhut Khoob...

[pensive]

buhat ala

[Miss Habib]

its great
thanks for sharing

[Rumisha]

nice..

[- Professor -]

v nice sharing