Yeh kaisi dosti thehri..

[Shahzad Khan]

Yeh kaisi dosti thehri..
Yeh kaisa waasta thehra...
Tumhen masroof dunya main
Meri khaatir fursat ka
Koi lamha nahen milta

Na pehli si woh qurbat hai
Na ab milnay ki chaahat hai
Sitam kaisa hai yeh aakhir
Tumse ab baat kerna bhi
Mujhe lagta hai naa-haasil

Tumhen ik harf likhna bhi
Hua hai ab to na-mumkin
Mager phir bhi mujhe tum se
Mohabbat hai, mohabbat hai

Mujhe yeh bhi khabar hai tum
Yeh dil naa-shaad kar-do gay
Karo gay to faqat itna...
Mujhe barbaad kar-do gay

[ShArArTi MuNdA]

nice one budddy

[Nida-H]

very nice..