Hua hai haal yeh barish ki meherbaani se

[Aslam]

Hua hai haal yeh barish ki meherbaani se
Zamee'n k zakham hare ho gaye hain paani se


Dhale hain ashak shab e ghum barhi rawani se
charagh ham ne jalaye hain iskey paani se



Na kaam aayi meri jurrat e lab-e-izhaar
Woh badgumaa'n hi hua aur khushbayani se



Main chahta hu'n tumhara bharam rahe qayam
Nikaal do mere kirdaar ko kahani se

Mujhe bhi chehra shinasi ka agaya hai hunar
Mila kamaal ye dushman ki meherbani se

Kisi se kuch na kaha aur keh diya sab kuch
Zuba'n ka kaam liya maine be zubaani se


Abhi zamee'n se nahi rabta mera AIJAAZ
Guzar raha hoo'n abhi daur-e-asmaani se

[life]

zabardast .

[SHAYAN]

Nice..

[M A H i]

Na kaam aayi meri jurrat e lab-e-izhaar
Woh badgumaa'n hi hua aur khushbayani se

Wonderful sharing Aslam!