Qabar

[Shaam]

http://i1.trekearth.com/photos/88935/pa010568.jpg


maghrib hochuki thi aaj
ghaliban 7 bajrahey hongei
sakhi hasan qabrustan ke samnei ek aziz rehtey hain
unke darwazey pe intizar karha tha
intizar taweel huwa tou chehel qadmi shuru kardi
chaltey chaltey samne nigah uthaai aur ruk sa gaya
ajeeb sa manzar tha
ghaney darakh jaisey koui puraani si darawnui film ka scene
andhera ta had e nigaah aur unsab ke beech
hazaaro ke tadaad me bazahir behiss o harkat INSAAN


eesaal e sawaab kia aur sochney laga

yeh yaha leitey hain
gher me kia horaha hai sab kei
k8isi ke gher dawat hogi
sab hans rahey hongei
kheil rahey honge
tv ya film chalrahi hogi
jkahein shadi hogi tou kapro ke rang aur tayaari ka shore
wo amma abba behen bhai jin ke bagher hamara koi kaam nahi hota tha
wo sab jo double bed per akele sotey they
aaj
hmmm
parwa hi nahi unko jo ek pal ko bhi alag nahi rahsakne ka dawa kartey they
ke aaj kis haal me hain
poochney bhi aye
dekhney bhi aaye
acha nahi aaye koi baat nahi
per kabhi ek baar Qul hi parh ke bakshish ki dua ki din me
ya phir barsi walei din biryaani paka ke poora karlia qarz aur farz
hmmmm


yah logkis ke saharay hain
wo sab jin ko muhabbat ka dawa hai wo tou gum hai
apne bachon me
nai khusyon me
jaha na hamari jagha hai
na zaroorat
hgamarei bagher bhi wo saaari khyusyaan celebrate hongi
tou phir ?


Allah ka sahara
yaqeenan


Allah ke saharay aur wo kuch manney ke saharay jo us ne hukum kia tha


kisi ki qabar noor hi noor hai ke us ko para nahi ke koi yaad bhi rakhey
aurkahein zameen ne haddion ko bhi nahi chora
hmmmm


Maut ko yad kijye roz kai kai baar
hadees bhi hai ke kei rozana maut ko kai baar yad kia karo-


maut ko yaad rakhney sei dil narm rahta hai
apne lia
aur dosro ke lia
aur us ki tayari karein
jab na behen bhai na maa baap na aurlaad na koi aur aaye ga
sab apni zindagi jiyen gei aur hum aur aap isi tarha andherey me choti si QABAR me leteyu honge.


http://www.scottcarney.com/photos/Bones/slides/IMG_1771.JPG

[Zafina]

wow mashaALLAH wording ap ki hay ? bht acha hay :) JazakaALLAH

[Shaam]

isi uljhan me 2 3 din guzrey ke hoga kia
phir kisi khayal me aake raat 2 bajey lights off karkei dozaano bethgaya
aur sochney laga
sochtey sochtey ankhein band karli
aur tasawur me laya kudh ke

ke me safaid libaas me hoo
dost ahbaab bachey rishtey daar aas pass jama hain
aur mujhey qabar me utar rahey hain
me dekh raha hoo bolna chahta hoo per awaz nahi nikalrahi
cheekta hoo per shayed sab behrey hogaye hain
apne betey ko bhai ko dekhta hoo
kehta hoo beta zameen per lita dia hai
kankar tou hatdo
chubhtey hain
per wo suntey hi nahi
yah kia
mera dam ghut jaye ga
saleb rakh rahey hain is jagha
aur phir matti
matti chan chan ke merei upper gir rahi hai
me hatana chata hoo per aaj me itna be ikhtiaar kio hoo
aur phir andhera chajata hai
khauff sei me cheek raha hoo per na koi sun raha hai na koi dekh raha hai
ya Allahyah log itne bewafa they ?
mujhey itni choti si jagha lita kar chalei gaye
kia kia na kia tha mei nei inke lia
zara khayal nahi kia
me jo apni aulaad ki zara si takleef pe sari raat jagta rahta tha
wo aisey andherey me chor kar kitnei araam sei chala gaya
hmmmmm

abhi chand min guzrey they inhi khayalo mei tha ke
achanak do loge aatey dikhaai diye
mei hairaan yaha kaun agaya
achanak diamgh me bijli koondi
Munkir o Nakir
aur merei zehen me wo sari batein ghoomney lagi ke jo riwayaton me suni thi
me khushhuwa chalo jo sawal yah karein ge us ka jawab ata hai

wo aaye aur mujhey utha kar bitha dia
aur pooocha
"Mun Rabbuka" (tumhara Rab kaun)
merei dil me aya Allah aur mei nei kehna chaha
per meri zaban ch
merei moun sei Allah kio nahi nikalraha
meri zaban nahi bolrahi
Allah yah sab kia hai
Mun Rabbuka " Dobara poocha gaya . lehja sakht tha
ankhon sei angaarey
aur meri nazar hath per pari
us per ek khatarnaak hathyaar tha
me dargaya
mei nei cheekna chaha ke Allah hai mera Rab me musalmaan hoo
per mujhey achanak sharmindgi hooi
ke waqai me musalman hoo ?
Rab ka matlab wo jis ne paida kia parwarish ki aur jo her her jagha mera Bara ho
per hmmm
ppooori zindagi ke ek film ki tarha ghoom gai
mei nei tou her her jagha us ki nahi suni
jo us ne kaha us ka ulta kia
phir mei nei maana hi kab ke wo Rab tha
sirf janta tha per ahamyat kab thi

phir jo huwa so huwa per meri qabar mujh per tang kardi gai
aur ek taraf sei garmi
aur yeh kia
merei chahrey pei yah kia chalraha hai
yah kaun sa keera hai
hatao is ko
mei kabhi kudh per makhi bethney nahi deita tha
khandaan bher me nafees tareen insanmashoor tha
aur aaj yah kaun kaun sei keerey hain
jo merei chahrey pei chalrahey hain
me hata nahi sakta
mera haseen chehra thora thora karkei kha rahey hain
aur me dekh raha hoo
mujhey apney jism sei boo mehsoos honey lagi
mei itna ghaleez tha .. kudh sei sawal kia
hmmm
khair yah tou hoga hi
mei nei is ki taraf sei dhiyaan hatyaa kio ke yaqeen tha ke ab mujh me koi attraction baqi nahi
ghaleez tareen badboo daar jism
jagha jagha sei hadiyan bahar
keerey merei jism ko kharaey hain
aur takleef jo bayan nahi hosakti lafzo me
mei nei dua ki Allah merei gher walei bohat pareshaan honge
mujhey dikha tou dei wo kaisey hain
achanak meri ankhon ke samnei merei gher ka manzar ajata hai
meri biwi ek hath me tasbeeh leikei bethi hai
me khush hojata hoo ke abhio yah mujh ko parh ke bakhshey gi
aur merei upper sei yah azaab kuch kam hojaye ga
samney nigah parti hai tou sari khushi kafoor
hatho me tashbeeh honto per Allah ka naam aur nazrein TV per
na karo me cheekta hoo
koi faida nahi aisey parhney ka
per me bhi to aisa hi tha
beta meri beti merei gher walei sab apni dunya me magan
inlogo ko ahsas nahi ke merei lia kuch karlein
me kitni takleef me hoo
nahi nahi yah kio karein
mei nei kia tha kuch apne waldein ke lia
ek lamhey ko socha
kia mei nei aulaad aisy chori hai jo merei lia sawab e jaria ho
meinei tou inko wo tarbiyat di hai ke yah merei lia azaab e jaria banjaain
me cheekney laga
mujh sei ibrat pakro
laut aao
ek Allah ki janib
wo jis ki taraf laut ke jana hai
yah sab tamasha hai
dhong hai
bakwaashai
maan lo us ki
per koi nahi sunta

"Jagha dil laganey ki dunya nahi hai
yah ibrat ki jaag hai tamasha nahi hai"

merei kano me tv ki awaz aai me ne nigaah utha kar dekha
tou kisi ne channel change kardia....

[Princess N]

http://www.al-qatarya.org/qtr/qatarya_Mv3v6nXTS5.gif