Zalim Tha Wo

[Miss Habib]

zaalim tha wo aur zulm ki aadat bhi bohat thi

majboor the ham uss se mohabbat bhi bohat thi

uss but ke sitam seh ke dikha hi diya ham ne

go apni tabiyat mein baghaavat bhi bohat thi

waaqif hi na tha ramz-e-mohabbat se wo warna

dil ke liye thordi si inaayat bhi bohat thi

yuun hi nahin mashoor-e-zamaana mera kaatil

us shaks ko iss fun mein mahaarat bhi bohat thi

kya daur-e-ghazal tha ke lahoo dil mein bohat tha

aur dil ko lahoo karne ki fursat bhi bohat thi

har shaam sunaate the hasinoon ko ghazal ham

jab maal bohat tha to sakhaavat bhi bohat thi

[Zafina]

zabardast

[DiE]

kya daur-e-ghazal tha ke lahoo dil mein bohat tha

aur dil ko lahoo karne ki fursat bhi bohat thi

:zabardast:

[HaaNiya]

beautifullllll.!!!!!!!

[SHAYAN]

V Nice