-:||:- Tumhaari Zaat Ka Koi Badal Main Likh Nahi Sakta -:|||:-

[Owi]

Jo tum nay ki hai fermaaish
K main tum per ghazal likhoon
To phir tum hi ye batlaao
K main kis cheez ko aakhir
Tera naim-ul-badal likhoon

Ye khushboo, phool, shabnum
Chaand, taaray, chaandni
Sooraj ki kirnein
Tittli, khuwaab,mosam, raat, baarish
Aarzoo, khuwaahish
Ye jitnay istay-aaray hein
Mujhay ye dil nahi lagtay
Teray qaabil nahi lagtay

Jo tum nay ki hai fermaaish
K main tum per ghazal likhoon
To phir ik kaam bhi ker do
Mujhay wo lafz bhi bhaijo
K jin mein meray jazbon ko
Bayaan kernay ki taaqat ho
Mujhay maaloom hai hum-dum
K tum maayoos to hogay
Mager main kya karoon hum-dum
Bohat hi khaas ho tum to
Or aisay aam lafzon mein
Tumhaari zaat ka koi badal
Main likh nahi sakta
Mujhay afsos hai humdum
K tum per ghazal main likh nahi sakta.

[RoOZ SoOChTa HouN]

bahut khoob .. aap ka tarz-e-tehreer pasand aaya hay ... mehsoosaat ko lafzon kay qaalab mein dhaalna bhi ik fun hay .. balkay ye bhi kaha jaa sakta hay kay dil mein dar aaney walay khyalaat aur mehsoosat ko zabt-e-tehreer mein laana aik jurrat bhi hay .....
aap nay hamarey sath ye share kia .. bahut shukria ....

[SHAYAN]

v nyc..

[Owi]

Thankx Rooz And Shayan

[M A H i]

Bohat hi khaas ho tum to
Or aisay aam lafzon mein
Tumhaari zaat ka koi badal
Main likh nahi sakta
Mujhay afsos hai humdum
K tum per ghazal main likh nahi sakta.


Very Nice