aye gham e dil

[Shaam]

Shahar Ki Raat Aur Main Naashaad-o-naakaara phiroon
Jagamagaati Jaagatee, Sarkon Pe Awaara phiroon
aye Gam-e-dil Kya Karu
aye wahashat-e-dil Kya Karu

Ye Roopehali Chawon Ye Aakaash Par Taaron Ka Jaal
Jaise Soofi Ka Tasavvur, Jaise Aashiq Ka Khayaal
Aah Lekin Kaun Samajhe, Kaun Jaane Dil Ka Haal
aye Gam-e-dil Kya Karu
aye wahashat-e-dil Kya Karu


Raaste Mein Ruk Ke Dam Loon, Ye Meri Aadat Nahi
Laut Kar wapis Chala Jaaun Meri Fitarat Nahi
Aur Koi Hamanava Mil Jaaye Ye Qismat Nahi
aye Gam-e-dil Kya Karu
aye wahashat-e-dil Kya Karu

Mujh ko Qismat Ne Banaya, Gandale Pani Ka Kanwal
Khak Mein Mil Mil Gaye Sab, Aarzu Ke Ye Mehal
Kya Khabar Thi Yun Meri Taqadir Jaegi Badal
aye Gam-e-dil Kya Karu
aye wahashat-e-dil Kya Karu

Ruthne wale Kisi, Majabur Se Ruthega Kya
Jis Tarah Qismat Ne Luta, Yun Koi Lutega Kya
Ye Mere Tute Hue Dil, Aur Tu Tutega Kya
aye Gam-e-dil Kya Karu
aye wahashat-e-dil Kya Karu

[SHAYAN]

Nice..