zikar na kerna

[!«╬Ĵamil Malik╬«!]

Dukh dard ke maaron se mera zikar na kerna...
ghar jao to yaaron se mera zikar na kerna...

woh zabt na ker payenge aankhon ke samandar...
tum raah guzaron se mera zikar na kerna...

phoolon ke nasheman mein raha hoon mein sada se...
dekho kabhi khaaron se mera zikar na kerna...

shayad ye andhere hi mujhe raah dikhayein...
ab chaand sitaron se mera zikar na kerna...

woh meri kahani ko galat rang na de dein...
afsana nigaaron se mera zikar na kerna...

shayad woh mere haal pe besakhta rodein...
is baar baharon se mera zikar na kerna...

le jayenge gehrayi mein tum ko bhi baha ker...
darya ke kinaron se mera zikar na kerna...

woh shakhs mile to usey har baat batana...
tum sirf isharon se mera zikar na kerna...

[jalpari]

bhut khooob........

[SHAYAN]

V Nice

[!«╬Ĵamil Malik╬«!]

Thnxxxxx

[soni shah]

nice....thx for sharing

[Majno]

nice
tfs

[RoOZ SoOChTa HouN]

:zabardast:

[happy123]

really nice

[♥☆∂яєαмιηg яσѕє♪]

thankX foR ShaRinG

[*NRB*]

umda jee.